روبير نسيم داسا مصرى المولد يهودى الديانة كان من العمر 21 سنه يعمل فى التجارة. كان عضو فى عملية سوزانا اللى اتسمت بعدها فضيحة لافون و هيا عمليه سريه اسرائيليه كانت هتتعمل فى مصر و عباره عن تفجير اهداف مصريه و امريكيه و بريطانيه فى مصر .
اتولد روبرت داسا فى 8 مايو 1933 فى مدينة الإسكندرية، و هو الابن التالت لنسيم داسا ومراته زهرة (نى ديرى)، وتعود أصول والده لعيلة يهودية عريقة من القدس.
بدأ روبرت تعليمه فى مدرسة الجالية اليهودية بالإسكندرية، بعدين دخل مدرسة موسى بن ميمون الثانوية اللى أسسها الحاخام الاكبر للمدينة، موشيه فينتورا. هناك اتأثر روبرت بشكل كبير بالأفكار الصهيونية اللى غرسها فينتورا فى طلابه. كمان كان ناشطً فى حركة شباب "بنى عكيفا"، حيث ابتدا كمراقب بعدين تولى قيادة فرع الحركة فى الإسكندرية.
اتقبض عليه سنة 1954 واتحاكم امام المحاكم المصريه واتحكم عليه بالأشغال الشاقة لمدة 15 سنة.
وفى بداية سنة 1968 تم الافراج عن سجناء القضية ضمن صفقة تبادل للأسرى مع مصر بعد نكسة يونيو.
توفى فى اسرائيل فى يوم الاربعاء 25 سبتمبر 2024 عن عمر تجاوز الـ90 سنه.
