روبرتو كافالى Roberto Cavalli مصمم ايطالى اشتهر بتصاميمه الملفته والجذابه. اتولد فى سنة 1940 سليل لعيله فنيه, جده هو الرسام المعروف فى القرن التسعتاشر " جوسبى روسى ". درس كافالى الفنون و صناعة المنسوجات, بعدها بدا عمله الخاص كمصمم ازياء. فى سنة 1970 اطلق روبرتو كافيلى اول مجموعه ازياء جاهزه, و فى سنة 1972 افتتح اول محل ليه فى ساينت تربوز, استمرت الشركه بالتوسع لحد ما وصلت فروعها لاكتر من 50 دوله. اتوسعت روبرتو كافلى و شملت الملابس الرجاليه, الاكسسوارات, الملابس الداخليه و العطورات.
دخلت روبرتو كافلى عالم العطور فى سنة 2002 مع اطلاق اول عطر نسائى ( روبرتو كافلى ) بعده فى سنة 2003 كمان ( روبرتو كافلى ) للرجال. روبرتو كافلى كان بيقدم عطوراته فى زجاجات رائعه بيميزها رسوم او طباعه للحيوانات زى الافعى, و بيتعاون كافلى فى انتاج العطور مع شركة " اى تى اف ". بتمتلك روبرتو كافلى اليوم مجموعه من 29 عطر, تم اصدار اقدمها فى سنة 2002, و احدثها فى سنة 2016 عطر ( باراديوس ازورو ) للستات.
واحد من تصميمات روبرتو كافالى لوجو
الانتقادات
فى سنة 2004, انتقدت منظمة لحقوق الانسان الهندى (Hindu Human Rights) روبرتو كافالى, لما طرح الاخير فى الاسواق تصاميم لملابس داخليه للستات, زى البكينى و غيره, مطبوعه عليها صور لآلهة الهندوس ( صممت خصيصا لمحلات هارودز ) و اعتبرت دا انتهاك صارخ لمقدساتهم الدينيه. بعد موجه من الاحتجاجات و المظاهرات, سحبت شركة كافالى فى الاخر الملابس من الاسواق, و قدمت اعتذارات رسميه للمنظمه.[10]
فى سنة 2014, اتهم تلامذة مكتب للتصوف الاسلامى روبرتو كافالى بانتحاله لرمز من الرموز الدينيه لمكتبهم و المحمى حسب حقوق الطبع و النشر, و طلبت منه يشيل الرمز من تصاميم مجموعته "جاست كافالى". كمان طالبته يوقف اعلاناته التجاريه المستعمله للرمز كايحاء للاغواء و للسعه الثعبان, و اللى بيمثل استهانه للمعنى الروحى للرمز بالنسبه للى استعمله ليه, و تعدى على الحقوق الناتجه عن التسجيل الرسمى للرمز.[11]
