اتولد حسن ابو السعود فى سنة 1948 فى مدينة المحله الكبرى. ابوه كان من أمهر عازفى الة الكلارينيت المزيكا و كان رئيس لإذاعة ليبيا فى أواخر الستينات،. اتخرج من كلية التجاره جامعة القاهره سنة 1970 ابتدا عازف اكورديون فى فرقة مزيكا "صلاح عرام" ، وبعدها ترك الفرقة وسافر اليابان مع فرقة رضا للفنون الشعبيه
سافر لبنان فترة كعازف للمطرب فريد الأطرش. و كان فى بداية حياته بيعزف مع فرقة المطرب الشعبى احمد عدويه و لحن لاحمد عدويه عدد من اغانيه اللى اشتهر بيها منها "بنت السلطان".
الف مزيكا تصويرية لاكتر من 85 فيلم سينمائى و 35 مسلسل تليڤزيونى و ميات الاغانى اخد 15 جايزه عن اعماله المزيكا من مهرجانت الافلام والمسلسلات كمان لحن اغنيات لمطربين مصريين و عرب زى هانى شاكر و راغب علامه زى اغنية "آسف حبيبتى" و نانسى عجرم و شيرين وجدى، ايهاب توفيق، سميرة سعيد، محمد منير و بهاء سلطان و ورده و اصاله، خالد عجاج و شيرين عبد الوهاب وغيرهم.
