التمثال هوا عمل فنى بيجسد الاشكال الواقعيه الكامله لاشخاص او حيوانات او اشكال فى ماده متينه زى الخشب او المعدن او الحجر, التماثيل النموذجيه بتكون بالحجم الطبيعى او قريبه من الحجم الطبيعى.[1][2][3]
التمثال اللى بيمثل الاشخاص او الحيوانات بيكون فى العاده بالحجم الكامل او صغير بشكل ممكن رفعه و حمله, التماثيل اتعملت فى كتير من الثقافات من عصور ما قبل التاريخ حتى وقتنا الحاضر, اقدم تمثال معروف بيرجع تاريخه لحوالى 30000 سنه, كتير من التماثيل بتتحط فى الاماكن العامه كفن عام. اطول تمثال فى العالم هوا تمثال الوحده و ارتفاعه 182 متر جنب سد نارمادا فى غوجارات, الهند.[4]
