اليوم فتحت عينيا .. علا صوت بينادى عليا

الدنيا بئت حريه حريه حريه

.....

عاهدت الوطن الغالى ..احكمه انا و ابنى و خالى

و بصبر سنين و ليالى ..الشوره صبحت ليا

حريه حريه حريه

.....

دستور الشعب كيانه .. شفنا ف الغيب عنوانه

من يوم ما امر سبحانه بالثوره للحريه

حريه حريه حريه

.....

و صبحت عزيز ف بلادى .. احميها بعمر جهادى

و أفديها بدم ولادى.. و إن راحو يبئو هديه

حريه حريه حريه

.....

بئا عدل و دستور دايم .. بين المحكوم و الحاكم

لا عاد مظلوم و لا ظالم .. ها يبيع و لا يشترى فيا

حريه حريه حريه

.....

دى مبادئ و رسمناها .. و حئوءنا و عرفناها

د انا و إنتا اللى طلبناها..ف تلاته و عشرين يوليه

حريه حريه حريه