محمد النبوى المهندس كان استاذ لطب الطفال و وزير الصحه فى مصر و بيعتبر واحد من مؤسسين النظام الصحى الحديث فى مصر.
حياته
اتولد الدكتور محمد النبوى المهندس يوم 17 يناير1915 فى مدينه جرجابمحافظه سوهاج, و درس فيها الابتدائيه و الثانويه, بعدها دخل كليه الطب فى جامعه القاهره و اتخرج منها بشهاده البكالوريوس فى الطب و الجراحه سنه 1940.
كمل دراسه الدبلوم و الدكتوراه باختصاص طب الاطفالسنه 1945, و اتعين فى فى جامعه القاهره مدرس و بعدين أستاذ مساعد و بعدها اتعين استاذ طب الاطفال بمستشفى أبو الريش للاطفال فى القاهره, اتعين سكرتير مجلس اداره نقابه الأطباء تلات دورات من 1950 لحد 1961.
ساهم بانشاء الجمعيه المصريه لطب اللطفال و عمل أبحاث هامه فى مجالات سوء التغذيه و امراض الكبد عند الاطفال, نظم أول مؤتمر اقليمى لطب الاطفال فى مارس 1960, و اختاروه فى منظمه الصحه العالميه يشرف على دراسه طب الاطفال فى جامعات مصر.[1]
فى 18 اكتوبر 1961 اختاره الرئيس المصرى وقتها جمال عبد الناصر لمنصب وزير الصحه فى مصر و طلع قرار بتعيينه رئيس لمجلس اداره المؤسسه العامه للادويه,[2] ابتدا الدكتور النبوى بعدها نشاطو مباشره من الريف المصرى و عمل اكتر من 2500 وحده صحيه و مستشفيات عامه و مركزيه و مراكز شلل الاطفال و القلب و تأهيل السمع و البصر فى البلاد و عمل مدارس التمريض فى المستشفيات و طور الاسعاف.[3]
