المعهد العالى للباليه, هوا واحد من المعاهد الفنيه العليا التابعه لوزاره الثقافه المصريه, اتاسس سنة 1958 ومن سنة 1969 من مكونات اكاديمية الفنون فى الجيزه, مصر.[1]
التاسيس والاهداف
انشئ المعهد العالى للباليه حسب المرسوم الرئاسى 1349 لسنة 1958, و الحق سنة 1969 باكاديمية الفنون حسب القانون 78.
بيعرف المعهد اهدافه بخلق جيل من الشباب بيمارس فى الباليه على اساس الفكر الاكاديمى, و بتصميم اعمال باليه مصريه بتهدف الى رفع مستوى فن الرقص و تحديثه, و تكوين فرقة باليه مصريه من تلاميذ و تلميذات المعهد العالى للباليه بيعرض الاعمال الفنيه الهادفه فى فن الباليه.
اقسام المعهد
بيضم المعهد العالى للباليه الاقسام دى و كل قسم منصوص عليها فى التخصصات:
- تصميم و اخراج الباليهات: و بيتميز بتصميم و اخراج عدد كبير من الرقصات الباليهات الفنيه و تقديمها على مسرح الباليه.
- طرق تدريس الرقص الكلاسيكى: و بيشمل طرق تدريس كل التخصصات من الباليه الكلاسيكى - الرقص الشعبى العالمى - الرقص المزدوج - الرقص التاريخيه - الرقص الحديث.
عميد المعهد العالى للباليه هيا الدكتوره لمياء زايد, و من اساتذته بسيونى محمد وت هانى حسين
الدرجات
المعهد العالى للباليه بيضم الدرجات دى:
- درجة دبلوم فى فن الرقص, و بينضم فيها التلميذ للدراسه بمعهد الباليه من السنه الرابع ابتدائى لحد التالته ثانوى سنه ادبى, بمعدل تسعه سنين دراسيه كامله.
- درجة البكالوريوس فى فن الباليه فى واحده من التخصصات المذكوره, و بينضم الدارس بعد انهاء المرحله الدراسيه التالته ثانوى و بيدرس اربع سنين.
- دبلوم الدراسات العليا فى التخصصات, و بينضم فيها الباحث بعد انهاء دراسة البكالوريوس ويدرس سنتين.
- درجة الماجستير فى فن الباليه فى التخصصات, و هيا المرحله اللى بعد مرحلة دبلوم الدراسات العليا و بيحتاج فيها الباحث ينهى دراسته لمده ما تزيدش عن خمس سنين من بعد الموافقه على خطته الدراسيه".
- درجة الدكتوراه فى الفنون, او الدكتوراه فى تخصصات الفنون الفلسفه فى مجموعه واحده. و هيل المرحله اللى تلى درجه الماجستير.
اعمال معهد
بيقدم تلاميذ وتلميذات المعهد العالى للباليه حفله سنويه و بيقدمو كتير من عروض الباليه و اشهرها باليه كساره البندق, جيزيل, دون كيشوت, لاسيلفيد, بحيره البجع, القرصان, اسبارتاكوس, الفاتنات السيع, مصر الحضاره و غيرها, وايضا شارك فى المسابقات و المهرجانات الدوليه بالاضافه الى فرقه باليه دار الاوبرا المصريه.
لينكات برانيه
مصادر
