ابتدت صناعه الاتصالات السلكيه و اللاسلكيه نشاطها فى مصر سنه 1854 مع افتتاح أول خطوط التلغراف بين محافظتى القاهره و الإسكندريه تحت اسم سلطه البرق و التيليفون , و بسنه 1881 اتركب أول خط تلفون بين المحافظتين.[1]
فى سبتمبر 1999 اتعلن عن المشروع القومى للنهضه التكنولوجيه و اللى بيعكس الاهتمام الكبير من الحكومه المصريه لضروره الإسراع فى النهوض بصناعه و استخدام تكنولوجيا المعلومات لخدمه اجوال التنميه فى مصر.
تأسست شركه القريه الذكيه سنه 2001 بهدف دعم و تنميه الكيانات التكنولوجيه المعروفه و مؤسسات الأعمال على الصعيدين المحلى و الإقليمى, و بتضم القريه شركات الاتصالات و تكنولوجيا المعلومات العالميه منها و المحليه و الهيئات الحكوميه المرتبطه بالصناعه على مساحه 3 مليون متر مربع غرب مدينه القاهره و بتضم القريه الذكيه أكتر من 160 شركه,[2] بيشتعل بيها 40,000 موظف.[3]
الخدمه التليفونيه
سنه 1854 افتتح أول خط تلغراف فى مصر, سنه 1881 اتعمل أول خط تليفونى بيربط بين القاهره والإسكندريه و تعتبر مصر من أوائل الدول فى استخدام التليفون اللى تم اختراعه فى 1876,[4] و سنه 1883 تم تمديد الخطوط التليفونيه لبورسعيد والإسماعليه والسويس.[1][5]
التيليفون المحمول
أوراسكوم للاتصالات المصريه
تم إدخال أول خدمات التيليفون المحمول بالنظام العالمى للإتصالات المتنقله فى مصر سنه 1996.[1] و فيه بمصر أربع شركات تقدم خدمه التيليفون المحمول و هى:
شركه اورنچ مصر التابعه لمجموعه اورنچ الفرنسيه و تم بث الخدمه فى مارس1998 تحت اسم موبينيل.
شركه ڤودافون مصر و هى شركه مساهمه تملكها ڤودافون جروپ والشركه المصريه للإتصالات و هى الشبكه الثانيه فى مصر و كان اسمها كليك چى اس ام لحد سنه 2001.
شركه اتصالات مصر و هى اللى كسبت برخصه شبكه المحمول التالثته و كسبها تحالف من (مؤسسه الإمارات للاتصالات والبريد المصرى والبنك التجارى الدولى والبنك الأهلى المصرى) مقابل 16.7 مليار جنيه مصرى فى 4 يوليه 2006 انطلق الشغل فيها فى مايو 2007 كأول مشغل لخدمات الجيل التالت فى مصر.[6]
الشركه المصريه للاتصالات و كسبت بالرخصه الرابعه للهاتف المحمول فى مصر, فى 18 سبتمبر2017 أطلقت المصريه للاتصالات خدمات التيليفون المحمول فى السوق المصرى كأول مشغل متكامل فى مصر و رابع شركه اتصالات محموله.[7]
البريد
البريد المصرى اللى اتأسس سنة 1865 هو واحد من أقدم مؤسسات مصر و أعرقها وت عتبر مصر من 22 دوله ساهمت فى تأسيس الاتحاد البريدى العالمى بعد مؤتمر برن سنه 1874 و اختيرت عضو فى الاتحاد, كما أسهمت فى تأسيس الاتحاد البريدى العربى و الاتحاد البريدى الأفريقى.[8][9]
الانترنت
بدأ استخدام الإنترنت فى مصر سنه 1992, لما تم تمديد بنيه تحتيه بين شبكه الجامعات المصريه و شبكه «بت نت» الفرنسيه, و مع بدايه سنه 1994 ابتدا المركز فى إدخال خدمه الإنترنت للوزارات و الهيئات الحكوميه و المحافظات, و بدايه من سنه 1997 ابتدا المركز فى خصخصه خدمات الإنترنت من فى إتاحه الخدمات لعدد من الشركات الخاصه كمزودين للخدمه ISPs و اللى ببيعو الخدمه للمواطنين و الشركات, و سنه 1997 كان بالسوق المصرى 16 شركه خاصه لتقديم خدمات الإنترنت و وصل عدد الشركات العامله فى المجال حوالى 68 شركه بحلول سنه 2000 [10]
و سنه 2002 ابتدت الحكومه المصريه فى مبادره الإنترنت المجانيه و هى عباره عن مشروع اتبنته وزاره الاتصالات و تكنولوجيا المعلومات بعقد شراكه بين شركه المصريه للاتصالات و شركات مزودى خدمه الإنترنت لتقديم خدمه الاتصال بالإنترنت بتكلفه المكالمه العاديه مع اقتسام القيمه بنسبه 30% للمصريه للاتصالات و 70% لشركات تقديم خدمه الإنترنت, سنه 2004 أطلقت الحكومه مبادره الإنترنت فائقه السرعه (adsl).[11]
