قالب:خلاف مدني

ازمه قطر 2017 او ازمه دپلوماسيه مع قطر, وبيقولوا الاعلام القطرى حصار قطر, يوم 5 يونيه 2017 قرروا البلاد الاربعه اللى هم مصر,^[1] السعوديه,^[2] الامارات^[3] و البحرين^[4] قطع علاقاتها الدپلوماسيه مع دوله قطر, واللى لحق معاهم ليبيا^[5] و موريتانيا^[6] وفى 7 يونيه أعلنت جيبوتى عن تخفيض مستوى التمثيل الدبلوماسى مع قطر.^[7] واليمن^[8] و جزر القمر و المالديڤ و موريشيوس, وبرضه اعلن الاردن و جيبوتى خفض تمثيل دپلوماسى مع قطر^[9]

فى مارس 2014, سحبت مصر و3 بلاد العربيه فى الخليج العربى من سفرائها فى قطر اللى هم السعوديه, البحرين والامارات, والسبب ده علشان الدوحه مش ملتزمه بمقررات اللى اتفقوا عليها مجلس التعاون لدول الخليج العربى, والسبب اللى قالوا ان قطر كانت مش راضيه بعد احداث ثورة 30 يونيه فى مصر ويدعم جماعة الاخوان المسلمين, ودعم قناة الجزيره القطريه لاحداث الربيع العربى, و بعد تدخل الكويت علشان عاوزه يتصالحوا مع البلاد العربيه دول واجتماع فى قمه الرياض 2014 ووقع عليها امير قطر تميم بن حمد آل ثانى, رجعوا 3 سفراء للشغل فى الدوحه.

فى شهر مايو 2017, بثت وكاله الانباء القطريه فى تويتر (اللى بيختصر:قنا) طلع تصريحات لامير قطر تميم آل تانى, وكتبت تغريدات قالت فيه انها تنتقد "مشاعر معاديه لايران" وان سفراء قطر فى السعوديه والامارات والبحرين لازم يرجعوا لبلدهم, لكن مسؤوليين قطريين كدبوا تصريحات وقالوا ان الهاكر هو اللى عامل المشكله واختراق حسابات رسميه, وبعدها هاجم الاعلام السعودى والاماراتى لقطر لما كلم امير قطر تميم ال ثانى مع الرئيس الايرانى حسن روحانى واللى بيعتبر تحدى للدول الخليجيه التلات.^[10]

الاسباب دى مش واضحه وتغطيه اخباريه نسبت الازمه دى لعده احداث, واللى منها ان قطر شاركت مع اطراف سنيه وشيعيه فى العراق علشان يطلعوا الرهائن القطريين اللى مسكهم ميليشيات شيعيه جنوب العراق, واللى قعدوا فى الاسر اكتر من 16 شهر,^[11] وشارك قطر للمساعدات الانسانيه علشان يطلع 2000 مدنى من مضايا السوريه, وبرضه دفعت قطر اكتر من 700 مليون دولار لميليشيات شيعيه, وده السبب اللى زعلت السعوديه و الامارات عن التصرف القطرى.^[12]

لما تحصل مشاكل فى السياسه حيجى المشكله فى الرياضه, والاقوىّ حدث كانت فى بلاد قطعت علاقاتها مع نظام قطر.

فى يوم 11 مارس 2019, قالت اتحاد السعوديه لكوره قدم, ان الخطاب جات من اتحاد آسيا لكوره قدم واللى اعلنها الغاء احتكار قنوات بى ان سپورتس القطريه لماتشات ببطوله الاتحاد القاره بالسعوديه, وقالت السبب انه بى ان سپورتس مقدرتش تستخرج تراخيص لازمه علشان تبث القناه دى فى السعوديه, والقناه القطريه ده خالفت قوانين السعوديه زى الاحتكار وقتل المنافسه, وطلبت اتحاد القاره لتلفزيون السعوديه انه تجهز الماتشات الجايه لنوادى السعوديه اللى بيشارك فى دورى ابطال اسيا السنه دى,^[13] وتم بث الماتش بين الهلال السعودى و الدحيل بتاع قطر عن طريق بث ارضى للسعوديه فى يوتيوب, واللى بيملكها اتحاد القاره الاسيوى بتعليق وتحليل سعوديين.

استضافت الامارات لبطوله كاس اسيا 2019 لماتش سيمى فاينل بين فريق الامارات و نظيره القطرى, ولما جت النشيد القومى لقطر, سمعوا صيحات الاستهجان من جمهور الامارات, و بعد خساره الامارت من قطر 4-0, قاموا جمهور الامارات برمى قوارير الميه على لعيبه قطر, وفى الفاينل كسب قطر بالكاس الاسيوى علىّ حساب اليابان 3-1.^[14][15][16]