Os yacuz (en yacut Якуты) habitan extensas zonas d'o nord-este de Siberia entre l'oceano Arctico y a sierra de Stanovoi, a mayor parte en a Republica de Yacutia, en a que son d'alto u baixo a metat d'a población. En 1989 yeran uns 450.000 individuos. Parlan una luenga turquica y encara que os rusos los cristianizoron a la fuerza, encara mantienen muitos elementos bien conoixitos d'una relichión tradicional tengrianista.
Traza de vida tradicional
Os yacuz d'a tundra son cazataires, pescataires u criadors de rens, os d'a taiga (que actualment son a mayor parte d'os yacuz) son ganaders que crían vacumen. En as zagueras decadas han ito deixando d'escar cazataires u pescataires y ha encomenazato a amaneixer l'agricultura. Huei a traza de vida tradicional ye minoritaria.
A vivienda tradicional ye una capana dita yurt.
Relichión
A relichión tradicional yacut combina o tengrianismo (culto a dioses como Tengri) d'os pueblos turquicos preislamicos con elementos d'as relichions d'os aboríchens siberianos, y bi ha una mistica chamanica como cabe esperar tanto d'o tengrianismo como d'as relichions siberianas como o culto a l'onso. Encara que huei son cristianos conservan muitos elementos chamanicos en o ritual relichioso.
Historia
Se crei que a suya etnochenesi ye en pueblos turquicos marguinals como os actuals altayos que dende Asia Central u a rechión d'o laco Baikal plegoron ta l'actual Yacutia asimilando-ie o habendo asimilato de camín poblacions mongolas y tungusas entre os sieglos XIII y XIV. Os rusos ocuporon o territorio yacut enta 1630 lis imposoron o pago d'impuestos en pellizos y los obligoron a deixar o tengrianismo pa convertir-los en cristianos. En o periodo sovietico se producioron rapidos cambios socials y economicos y huei a mayor parte d'os yacuz son obrers industrials y miners.
Bibliografía
_-_Sakha_(Yakutia).svg)
