- Iste articlo ye sobre una diosa d'a mitolochía romana; ta atros usos, se veiga Venus.
Venus yera una important diosa romana relacionada prencipalment con l'aimor, a belleza y a fertilidat, que teneba un papel crucial en muitas fiestas y mitos relichiosos romanos. Dende o sieglo III aC, a creixent helenización d'as clases altas d'a sociedat romana la identificó como equivalent d'a diosa griega Afrodita. D'ista forma Venus se convertió en a muller de Vulcán. Virchilio en a Eneida fació a Venus, a qui Chulio César prenió como a suya protectora, antipasada d'o lugar romano a traviés d'o suyo lechendario fundador Eneas y o suyo fillo Iulus.
O teonimo Venus se troba en a etimolochía d'o cinqueno día d'a semana, o Dies Veneris u "viernes".
A suya popularidat fació que tanto l'arte helenistico como romano producise muitas variacions sobre a diosa, a ormino basadas en o tipo praxiteliano d'a Venus de Cnido conoxiu como Venus Pudica y representando-la espulada con una man cubrindo lo pubis. Muitos espullaus femenins d'as esculturas d'ixa epoca que os suyos temas son desconoixius se gosan clamar en a moderna historia de l'arte Venus, mesmo si orichinalment podesen haber estau lo retrato d'una muller mortal mas que una imachen de culto a la diosa. Cal destacar chunto a l'anteriorment mencionada Venus de Cnido a Venus de Milo, Venus Capitolina y a Venus de Medici
Mencions en fuents aragonesas
A diosa Venus ye mencionada en a traducción aragonesa de "Vidas Semblants":
puso deua(n)t d(e)l dios un ramo d(e)la oliuera sagrada encoronado d(e) lana blanca / & dios le coma(n)do q(ue) p(re)gas ala
dea uenus Epitraguia / & qua(n)do el passo en cret
ariatne segu(n)t q(ue) muchos sc(r)iuen se enamoro de
Theseo / & le dio vn filo / & le ensenyo como [^el] deuies exir d(e)las bueltas de lambarinto / & en esta manera el mato al
Minotauro / & passo de
Cret / & leuo con el ensemble los fillos d(e)los de
AthenasVinclos externos
