Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O capitán espanyol José María Narváez estió, en 1791, o primer europeu en explorar o Estreito de Georgia, que desepara a parte continental d'o Canadá (an que se troba hue a ciudat de Vancouver) y a isla de Vancouver. A l'atro anyo, o capitán britanico George Vancouver, s'aunió a la expedición espanyola con base en Nootka Sound, en a costa sud d'a isla de Vancouver, y exploró o Estreito de Georgia, y l'aria an que hue se troba a ciudat de Seattle.
En 1870 o gubierno colonial d'a provincia exploró a comunidat local conoixida como Granville, en a costa. A ciudat cambió de nombre cuan se construyó a terminal de ferrocarrils, ya que o nombre d'a isla de Vancouver, a l'atro costau de l'Estreito, yera reconoixiu en tot o Canadá.
Gracias a la suya situación costanera y a la protección d'as Montanyas Rocosas respective a las influencias continentals, Vancouver tien os hibiernos mas calidos de todas as grans ciudaz canadencas, con una temperatura meyana menima de 3 graus Celsius, y prous plevias, pero con poca nieu.
Como a resta d'o Canadá, Vancouver amuestra una gran variedat etnica. O barrio chino, Chinatown ye o segundo mas gran d'America, dimpués de San Francisco, y bi ha barrios multiculturals como o Mercau panchabi, o barrio chino a Chiqueta Italia, o barrio griego y o barrio coreano.
.svg){kind=small}
