La val de Pardos ye una val con dirección NU-SE que baixa dende la muga entre Abanto y Castellón d'Alfarba a piet de lo penyón de la Cruz de Pardos dica l'ueste de lo termin municipal d'Aceret.
La suya man dreita ye l'aliniación alto de la Zorra-Penya de San Bartolomé-Madroñal de la sierra de Pardos, la ezquierda ye la sierra Pelada con lo penyón de la Cruz de Pardos en lo cabalto.
Hidrolochía
La val de Pardos ye desauguada por lo barranco de la val de Pardos, que en lo termin d'Aceret caye en lo barranco d'Aceret, principal formador de la rambla de Val de Codo, tributaria de Xiloca por la suya marguin ezquierda.
Con la incorporación de lo despoblau de Pardos en lo termin municipal d'Abanto, ye la sola part de l'actual termin municipal d'Abanto que desaugua enta Xiloca.
Toponimia
Lo toponimo val de Pardos se documenta ya en un pergamino de Paracuellos de Xiloca datau de lo 8 de marzo de 1290. Tamién se documenta en un texto de 1551:
la pieza en
val de Pardos, término de Pardos, que confrontaba con pieza de Antón Callejero, vecino de
Abanto, y con pieza de la iglesia de Pardos. Otra pieza en la puente de Pardos, término de Pardos, que confrontaba con pieza de Antón Luzón de Cubel, y con pieza de la viuda de Martín de Ambel de Pardos.
[1]Referencias
