Un buco in fronte (títol orichinal en italiano, en aragonés Un forau en a frent, enguerada en Aragón con o suyo títol traduciu enta lo castellano como Un agujero en la frente) ye una cinta de cine de western (concretament de spaghetti western) de cine italiano de l'anyo 1968 dirichida por Giuseppe Vari seguntes un guión orichinal d'Adriano Bolzoni, con una banda sonora orichinal de Roberto Pregadio, una dirección de fotografía d'Amerigo Gengarelli, una producción cinematografica de Francesco Giorgi y Antonio Lucatelli ta la productora cinematografica Tigielle 33 y un elenco composau, en os suyos papels principals, por Dragomir Bojanić, Robert Hundar, Rosy Zichel, Corinne Fontaine, Giuseppe Addobbati, Jhon Bryan, Gianni Brezza, Giorgio Gargiullo, Elsa Janet Waterston, Gino Marturano, Mario Dardanelli y Bruno Cattaneo, entre d'atros actors.
Tres desertors de l'exercito mexicano heban amagau un tresoro, consistent en a paga de l'exercito d'o cheneral Antonio López de Santa Anna, y ta trobar-lo cal reunir tres cartas d'una baraixa a on s'amagan as instruccions. Cada desertor poseye una carta y hue son Munguja, o bandiu Murienda y Garrincha. Un d'éls, Murienda, pide lo refirme de Billy Blood pero antes d'a trobada ye asasinau. Poquet a poquet Billy Blood conoix ta qué l'heba citau Murienda.
A cinta s'ambienta en Mexico en bel momento indeterminau de meyaus d'o sieglo XIX.
Se veiga tamién
Referencias
Vinclos externos
