Inventó, entre atras muitas cosas, lo gramofono y a bombiella incandescent. Edison ya yera considerau un d'os mas importants inventors d'o suyo tiempo, con 1.093 patents a lo suyo nombre en os Estaus Unius, anque a mayor parti d'istos inventos no yeran completament orichinals, a mas d'atras en Reino Uniu, Alemanya y Francia. Tamién descubrió lo dito efecto Edison, que se fundamenta en a emisión d'electrons producida por os metals incandescents.
Tenió traballando ta él a Nikola Tesla, en primeras en a suya empresa europea Continental Edison Company y dimpués en Estaus Unius en Edison Machine Works a qui li robó muitos d'os inventos que fació mientres treballaba ta él. Dimpués tenió con él muitas disputas que orichinaron a guerra d'as corrients, que fue una dura competencia economica y tecnolochica mientres os anyos 1880 ta controlar o mercau d'a cheneración y distribución d'enerchía electrica. Edison y J.P. Morgan con a empresa General Electric esfensaban a corriente contina ta la producción y distribución d'enerchía electrica y Tesla con George Westinghouse esfensaban a corrient alterna, que dió a enerchía que predomina en a distribución dica l'actualidat.
Edison tamién tenió una atra polemica con os chirmans Lumière, con una guerra de patents.
Bibliografia
(es) Clark, Ronald W. Tomas Alva Edison: El Hombre que inventó el futuro. (1977). EDAMEX, Editores Asociados Mexicanos, S.A. ISBN 968-409-051-X.
