Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Templo de Madrit, Espanya ye uno d'os templos construitos y operatos por a Ilesia de Chesucristo d'os Santos d'os Zaguers Días, o numero 56 construito por a Ilesia y o primero d'Espanya, ubicato en a ciudat espanyola de Madrid.

Os templos d'a Ilesia de Chesucristo d'os Santos d'os Zaguers Días son construitos con a fin de proveyer ordenanzas y cerimonias consideratas sagratas ta os suyos miembros y necesarias ta la salvación individual y a ponderación familiar. A doctrina mormona d'os templos tien o suyo orichen en 1832, dos anyos dimpués d'a organización d'a Ilesia, cuán o suyo fundador y primer profeta Joseph Smith, Jr. recibise una revelación divina en a que o Sinyor Chesucristo li manifestase o suyo deseyo d'a construcción de templos. En 1836, Smith y a Ilesia rematoron o templo de Kirtland, o primer templo mormón, en a ciudat de Kirtland (Ohio).

Os mormons plegoron ta Espanya dimpués d'a Primera Guerra Mundial, cuan os soldatos estatounitenses plegoron ta vivir en o país. A libertat de relichión en Espanya fue legalizata en 1967 y a Ilesia de Chesucristo d'os Santos d'os Zaguers Días fue reconoixita oficialment en octubre de l'anyo siguient. Ta l'adedicación d'o templo de Madrit en 1999, a Ilesia dició haber baptizato a 30.000 personas, congregatas en estacas en Barcelona, Vitoria, Cádiz, Elche, Hospitalet de Llobregat, Madrit y Sevilla.