Os suessetans (en latín suessetani) fuoron un pueblo prerromano estableixiu en as planas centrals d'Aragón.
Hue en día beluns los consideran celtas emparentaus con os suessions (d'a rechión de Soissons), encara que belatros creyen que perteneixeban a os pueblos ibers. En cualsiquier caso, o suyo nombre pareixe fer referencia a la raíz indoeuropea svasti, con o significau de "tener suerte", o mesmo significau que s'esconde dezaga d'a parola esvastica.
En o suyo territorio bi habió una ciudat dita Corbio (y chunto a Soissons ye a ciudat de Corbeil). A radíz curvo derivaría d'o nombre galo Corbus. Tamién s'ha esfendiu a identificación d'o nombre de Segia, identificando-la con Corbio, estando ista a capital u ciudat mas important d'os suessetans, Corbio.
Se creye que en primerías d'o sieglo II aC os suessetans yeran aliaus de Roma, pero dimpués se sublevoron y en l'anyo 184 aC a suya capital Corbio fue asediada, ocupada y destruyida por os romanos a o mando d'o gubernador d'Hispania Aulo Terencio Varrón. Dimpués d'isto, o territorio suessetano fue cediu a os bascons, que dimpués apareixen como os suyos poseyedors.
A etnia u tribu suessetana ocupaba a rechión que hue basicament se corresponde con a comarca zaragozana de Cinco Villas. A suya muga oriental mas probable estió o río Galligo.
Se veiga tamién
