As siglas GR sinyalan un sendero de gran recorriu, ye dicir, un sendero senyalizau, de mas de 50 km, emplegau prencipalment por excursionistas. En Aragón bi ha mas de 6.000 km de senders de gran y chicot recorriu senyalizaus d'os cuals 2.074,5 km son de gran recorriu.
Senyalización
En tot o mundo os GR se senyalizan con as colors roya y blanca. Dos linias horizontals (de 15 cm x 5 cm), la d'alto blanca y la d'abaixo roya endican a continuidat d'o camín. Dos linias formando una "X" endican que a endreza ye trafulcada. Cuatro franchas paralelas de colors alternas con una sayeta apuntando ta un canto u a l'atro endican un cambeo d'endreza amanau.
Historia
O prochecto de Senders de Gran Recorriu se desembolicó en Europa fa cincuanta anyos. O primer sendero inagurau en Aragón estió lo GR 11 en 1989.
