Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Procesión de la Esperanza o Chueves Santo
A Semana Santa de Zaragoza ye una fiesta relichiosa cristiana de Zaragoza declarata Fiesta d'Intrés Turistico Internacional.[1]
Historia
A historia d'a Semana Santa zaragozana principia en o sieglo XIII, epoca en a que apareixe a chermandat d'a Sangre de Cristo. Manimenos, no bi ha hue muitos datos arredol d'a historia d'a Semana Santa de Zaragoza ya que a mayor parti d'os documentos sobre ista se cremoron mientres a Guerra d'o Francés en 1808 u se tresbatioron.
Ye en l'anyo 1936 cuan se creya la Cofradía de la Piedad ta sacar a imachen d'a Virchen d'a Piedat por as carreras de Zaragoza. Istos cofadres d'a Piedad son os primers que fan servir o caperucho en a capeza, tipico d'as cofadrías d'Andalucía y no pas lo tradicional tercerol que s'emplegaba mas en Aragón. A mayor parti d'as actuals cofadrías s'establioron dimpués d'iste anyo por o que muitas han adoptato o caperucho andaluz.
Atra fita important en a Semana Santa zaragozana son os anyos 40 cuan se creya a Cofradía de las Siete Palabras, formata por chóvens d'Acción Catolica. Istos son os primers que emplegan en as suyas procesions os tambors y os bombos, tradicionals en o Baixo Aragón. Mientres as siguients decadas muitas atras cofadrías prencipiaron tamién a usar tambors y bombos, estando hue a principal caracteristica d'a Semana Santa de Zaragoza. Bellas cofadrías tienen actualment seccions de tambors con mas de 350 personas, as principals son a de la Columna, o Prendimiento y o Descendimiento
Instrumentos
En a Semana Santa zaragozana se fan servir cuatro grupos principals d'instrumentos entre as diferents cofadrías, excepto a chermandat d'a Sangre de Cristo que no toca dengún instrumento:
Procedent d'o Baixo Aragón, a on se tocan en Semana Santa d'antigo, os tambors y os bombos plegoron ta Zaragoza el l'anyo 1940 gracias a la Cofadría d'as Cofradía de las Siete Palabras estando lo suyo fundador, Mosen Francisco Izquierdo qui metió en a cofadría a primera sección de tambors con 12 miembros. En l'anyo 1942 s'encorpororon os bombos a la cofadría y dimpués se fuoron adibindo a la mayor parti d'a resta de cofadrías tambors, bombos y timbals.
Estió a cofadría d'o Silencio a primera que encluyó en 1944 una sección de cornetas, ya que no feban servir os tambors, dando a las suyas procesions una atmosfera d'orden y silencio.
Matracas
Matracas.
A matraca ye l'unico instrumento que emplega a cofadría de l'Ecce-Homo estando antimás un instrumento unico y caracteristico d'ista cofadría. Dende os anyos 80 s'encorporan antimás en as suyas procesions unas grans matracas con ruedas que tresporta un chermano mientres que unatro la toca. Ye un instrumento como os tambors y os bombos que proviene tamién d'o Baixo Aragón y que estió tamién Mosen Izquierdo Molín qui lo trayió ta Zaragoza.
Carraclas
A carracla la fa servir a sección infantil d'a cofadría Entrada. Ye a unica cofadría que emplega iste instrumento, encara que no ye l'unico instrumento que emplegan ya que tamién tienen seccions de tambors, timbals y bombos y cornetas.
Uniformes
Uniforme d'a Dolorosa
A mayor parti d'as cofadrías y chermandaz actuals levan como uniforme caperuchos en o tozuelo, heredatos d'a Semana Santa andaluza. Atras fan servir o tradicional tercerol como lo Huerto, l'Ecce-Homo, o Nazareno, a Llegada, a Crucifixión, o Resucitado y a Dolorosa. A sobén en casi totas as cofadrías os chermans d'as seccions de bombos, chermans con cargos procesionals u portiadors leban tercerols en a capeza.
D'atra man as seccions infantils gosan levar en o tozuelo bonetz en cuentas de caperuchos u tercerols.
Dos excepcions son a chermandat d'a Sangre de Cristo y a congregación d'as Esclavas. Os primeros leban a cara descubierta y as segundas un velo negro.
Medallons, sudarios y rosarios son os complementos mas comuns en muitas cofadrías.
