PROFILPELAJAR.COM

Segundo Gubierno Lambán


Información d'o Gubierno
Establito	6 d'agosto de 2019
Reemplaza a	Gubierno Lambán I (2015-2019)
Disolución	11 d'agosto de 2023
Reemplazato por	Gubierno Azcón (2023-...)
Churisdicción	Aragón
President	Javier Lambán Montañés

O Segundo Gubierno Lambán estió o Gubierno d'Aragón dende o 6 d'agosto de 2019 dica 11 d'agosto de 2023, mientres a X Lechislatura d'Aragón. Fue presidiu por Javier Lambán Montañés d'o Partido de los Socialistas de Aragón (PSOE-Aragón) dimpués de ganar por mayoría simpla as eleccions aragonesas de 2019. Succedió a o primer gubierno de Javier Lambán y estió o Gubierno d'Aragón mientres un total de 1.466 días, u 4 anyos 5 días.

O gubierno yera formau por miembros d'o PSOE-Aragón, Podemos, Chunta Aragonesista (CHA) y o Partido Aragonés (PAR).^[1]^[2] Fue automaticament disuelto o 29 de mayo de 2023 a consecuencia d'as eleccions aragonesas de 2023, encara que continó en funcions dica a formación d'o siguient gubierno.

Historia

Dirichiu por o president salient Javier Lambán, iste gubierno yera formau por una coalición de ezquierda a centro dreita entre o Partido de los Socialistas de Aragón (PSOE-Aragón), o Partido Aragonés (PAR), Podemos y Chunta Aragonesista (CHA). Chuntos representaban un 52,2 % d'os escanyos d'as Corz d'Aragón.

Se formó dimpués d'as eleccions aragonesas d'o 26 de mayo de 2019 que veyioron a puyada d'o PSOE y de Ciudadanos, o retacule de Podemos y d'o Partido Popular y a irrupción d'o partiu d'extrema-dreita Vox en o parlamento aragonés.

Dimpués d'unas polemicas declaracions, a consellera de Sanidat Pilar Ventura dimitió o 12 de mayo de 2020, estando sustituyida dos días dimpués por Sira Repollés^[3]^[4].

Estructura y composición

O Gubierno yera formau por consellers d'o Partiu d'os Socialistas d'Aragón, de Chunta Aragonesista, de Podemos, d'o Partido Aragonés y independients distribuyius en 10 departamentos..

Cargo / Departamento	Tetular
← Gubierno de Javier Lambán → (6 d'agosto de 2019 - 11 d'agosto de 2023)
Partiu politico		Partido de los Socialistas de Aragón
		Partido Aragonés
		Chunta Aragonesista
		Podemos
		Independient (PSOE)
President		Javier Lambán Montañés 6 d'agosto de 2019-11 d'agosto de 2023
Vicepresident Industria, Competitividat y Desarrollo Empresarial		Arturo Aliaga López 6 d'agosto de 2019-11 d'agosto de 2023
Presidencia y Relacions Institucionals Portavoz y secretaria d'o gubierno		María Teresa Pérez Esteban 6 d'agosto de 2019-11 d'agosto de 2023
Ciencia, Universidat y Sociedat d'o Conoiximiento		María Eugenia Díaz Calvo 6 d'agosto de 2019-11 d'agosto de 2023
Vertebración d'o Territorio, Movilidat y Vivienda		José Luis Soro Domingo 6 d'agosto de 2019-11 d'agosto de 2023
Economía, Planificación y Emplego		Marta Gastón Menal 6 d'agosto de 2019-23 de chunio de 2023
Hicienda y Administración Publica		Carlos Pérez Anadón 6 d'agosto de 2019-23 de chunio de 2023
Educación, Cultura y Esporte		Felipe Faci Lázaro 6 d'agosto de 2019-11 d'agosto de 2023
Ciudadanía y Dreitos Socials		María Victoria Broto Cosculluela 6 d'agosto de 2019-11 d'agosto de 2023
Agricultura, Ganadería y Medio Ambient		Joaquín Olona Blasco 6 d'agosto de 2019-11 d'agosto de 2023
Sanidat		Pilar Ventura Contreras 6 d'agosto de 2019-14 de mayo de 2020
Sanidat		Sira Repollés Lasheras 14 de mayo de 2020-11 d'agosto de 2023