Sarmagant ye a segunda ciudat d'Uzbekistán y capital d'a rechión de Sarmagant. En l'anyo 2008 a suya población yera de 596.300 habitants, a mayoría tachicos. Muitos tachicos la consideran a suya capital natural.
Fa parte d'a Organización d'as Ciudaz d'o Patrimonio d'a Humanidat.
Historia
En l'antiguedat yera a capital de Sogdiana. A principios d'o sieglo VIII fue conquiesta por os arabes musulmans. Sieglos dimpués fue saqueyata por os mongols. En l'anyo 1370 Tamerlán la fizo capital d'o suyo territorio. Entre l'anyo 1409 y 1449 Ulug Bei, que yera nieto de Tamerlán, fació contruir una d'as dos madrazas que delimitan a "Plaza de l'Arena".
Perdió importancia debant Bukhara, pero cuan os rusos se l'anexioron en 1868 tornó a prener importancia y creixió seguindo un modelo de ciudat europea.
Toponimia
O toponimo ye interpretato como asmara, en persa antigo "roca", "piedra" y o sogdián qand "fortaleza", "ciudat fortificata". Os griegos la denominaban Maracanda. En a Edat Meya amaneix como Sarmagant en muitos libros de diferents idiomas neolatinos occidentals, por eixemplo o "Libro d'as Marabillas d'o Mundo".
Si vos deuisare otras t(ier)ras & Regnos descendientes por este costado vers diestro ata la mar de grecia enta la t(ier)ra de xp(ist)iandat / Et por esto empues lemp(er)ador de cathay lemp(er)ador de
p(er)sia es el mas grant seyn(n)or / yo fablare del Regno de p(er)sia p(r)im(er)ame(n)t el y a dos Regnos / el p(r)im(er)o com je(n)c[']a vers orient vers el Regno de
turq(ue)stem & sestiende vers occident ata la Rib(e)ra de phison q(u)i es luna delas .iiij. Rib(e)ras q(u)i viene(n) de p(ar)adiso terrestre & vers septe(n)t(r)ion sestiende ata la
mar de caspia & deu(er)s medio dia ata los desiertos de
jndia Et es aq(ue)lla t(ier)ra boscages & b(ie)n poblada / Et y a vna muy buena cibdat / Mas las dos p(r)incipales son (^bontei) botenra et
seon(er)ga(n)t q(ue) algu(n)os clama(n)
sarmagant / lotro Regno de p(er)sia sestiende por la Rib(e)ra de phison vers las p(ar)tidas doccident ata el
Regno de meda & ala
grant armenia / Et vers septe(n)t(r)ion / et la mar de caspia / et vers mjdia ala t(ier)ra de jndia / Et es vna t(ier)ra pla(n)turosa / Et y a .iiij. p(r)incipales cibdades / vessabor & saphaon & carmassana / Empues es armenia do solia au(er) .iiij Regnos...
En a traducción aragonesa de "La Flor de las Ystorias d'Orient" sale como Samorgat:
aquella t(ier)ra es quasi toda plana et ay dos grandes et Ricas ciudades la vna es clamada Bocata et la otra Samorgat
Vinclos externos
