Esta pachina fabla sobre a ciudat basca de Donostia-San Sabastián. Ta altros emplegos se veiga Sant Sabastián (desambigación).

Sant Sabastián Donostia San Sebastián
Municipio d'o País Basco
La Concha.
Entidat  • Estau  • Comunidat  • Provincia  • Comarca	Municipio  Espanya  País Basco Guipuzcua Donostialdea
Superficie	60,89 km²
Población  • Total	189 093 hab. (2013)
Altaria  • Meyana	6 m.
Distancia  • 103 km	enta Vitoria
Alcalde	Juan Carlos Izagirre
Codigo postal	20001–20018
Chentilicio	Donostiarra[1]
Ríos	Urumea
Coordenadas	43°19’12’’N 1°58’48’’U
Sant Sabastián Sant Sabastián en País Basco
Web oficial

Sant Sabastián (San Sebastián en castellano; Donostia en basco; Donostia-San Sebastián oficialment) ye una ciudat d'a comunidat autonoma d'o País Basco, capital d'o territorio historico de Guipuzcua (actualment una d'as provincias d'Espanya) y d'a comarca de Donostialdea.

A suya población ye de 187.849 habitants en una superficie de 60,89 km².

En romance navarro s'escribiba Sant Sabastian.

Fa uns sieglos se i charraba gascón, que ha dixau bels toponimos de Donostia como Urgull (d'o gascón Orgull u Urgullus pasó enta lo basco como Urgull), Gros, Polloe (provién d'o gascón Poll y Pollet y pasó enta lo basco como Polloe), Morlans, Monpas (Mont-pas), Aiete (d'o gascón Ayet pasó enta Aiete d'o basco), Ulia (d'o gascón Oli pasó enta l'idioma basco como Ulia o Uliamendi) y Miramon (d'o gascón Miramont).^[2]

A ciudat de Sant Sabastián se troba situada a 6 metros d'altaria sobre lo livel d'a mar, a lo canto d'a mar Cantabrica y a una distancia de 103 km d'a ciudat de Vitoria, a capital politica d'o País Basco.

En a ciudat de celebra anualment o Festival Internacional de Cine de Sant Sabastián.

L'esporte mas popular chunto a la pilota ye o fútbol y lo suyo equipo mas representativo en Sant Sebastián ye a Real Sociedad, que tien tamién atra sección d'atletismo.

En baloncesto tamién cal destacar a lo Sant Sabastián GBC que chuga en a Liga ACB.

La ciudat esportiva d'Anoeta ye a instalación esportiva mes destacada y completa de Sant Sabastián. tien un estadio de fútbol con una pista d'atletismo, y chunto a este un de mes chicot, un velodromo, piscinas, trinquetz, un chimnasio, un poliesportivo y un hotel.

D'as competicions anuals organizadas en a ciudat cal destacar-ne a Bandera de La Concha, que ye una cursa de traineras, a Clasica de Sant Sabastián de ciclismo, a Maratón de Sant Sebastián, a cursa Behobia-Sant Sebastián.

• Seu d'o Buen Pastor de Sant Sabastián.
• Teatro Victoria Eugenia.
• Museo San Telmo.
• La Concha.

• Se veigan as imáchens de Commons sobre Donostia.
• (eu)/(es)/(en)/(fr) Pachina web oficial de l'achuntamiento de Sant Sabastián.
• (eu)/(es) Pachina web informativa d'actos culturals en Sant Sabastián.
• (eu)/(es)/(en) Imáchens de Sant Sabastián.