Sant Martín d'el Río (en castellano San Martín del Río) ye un municipio aragonés de la provincia de Teruel, situau en la comarca de Xiloca y partiu chudicial de Calamocha. La suya población ye de 136 habitants, en una superficie de 16,58 km² y una densidat de población de 8,2 hab/km².
Cheografía
Sant Martín d'el Río ye situau en una plana formada por glacis que plegan dica la marguin ezquierda de lo río Xiloca y a on que lo barranco de Val de Parra se reculle en este río, que baixa dende Val de Sant Martín. Lo nuclio habitau ye a una altaria de 780 metros d'altaria dencima de lo livel d'a mar y a una distancia de 91 km de la ciudat de Teruel, la capital de la suya provincia.
Bi ha una part de lo termin municipal de Sant Martín d'el Río en la marguin dreita de lo Xiloca con materials tovos (archilas de lo Terciario y escistos de lo Paleozoico), situaus topograficament baixo las plataformas de calsinera que bi ha en Anento.
Mugas
Lo suyo termin municipal muga con Baguena, con Castellón de Tornos, con Val de Sant Martín, con Val de Forna, con Villanueva de Xiloca, con Nombrevilla y con Anento.
Toponimia
Una de las primeras mencions ye de 1205, cuan lo bispe Remón de Castrocol adchudicó las decimas y primicias de las aldeyas de Daroca a diferents ilesias d'esta ciudat. Lo bispe adchudicó las decimas de San Martín a la Ilesia de Sant Miguel de Daroca:
D'alcuerdo con Antonio Ubieto Arteta ye San Martín dica 1495 y San Martín del Río dende 1543.[1]. Manimenos l'apelativo del Río ya se troba en textos anteriors escritos en latín medieval u en aragonés:
En latín medieval veyemos sancto Martino de Rivo y s.Martini del Rio en Rationes decimarum Hispaniae (1279-80):[2]
Item a vicario de sancto Martino de Rivo
Item pro primitia de Oios negros / Item pro primitia s. Martini del Rio
En aragonés s'escribe Sant Martin del Rio en lo Libro de la Manifestación del moravedí de la ciudad de Daroca, 1373:[3]
Signo de mi Pascual Stevan, vezino de
Sant Martín del Rio,
aldeya de ciudat de
DarochaEsta localidat da nombre a Val de Sant Martín en la comunidat de Daroca, pus yera un nuclio chicot de población en una val que baixa ta Sant Martín. Ye lo mesmo caso de Val d'Alcanyiz en Mazalión, Val de Taus en Pradiella d'Ebro y Val de Zaila en Exatiel.
Demografía
Administración
Reparto de concellers
Alcaldes
Molimentos
Fiestas
Se veiga tamién
Vinclos externos
Referencias
.svg){kind=small}
