Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Río de la Fuent d'el Berro
Administración
Estaus	{{{estaus}}}
Territorios	Sierra d'Albarracín (Aragón)
Cheografía
Longaria	km
Altaria d'o naixedero	m
Naixedero	Fuent d'el Berro
Desembocadura	río Guadalaviar
Superficie d'a cuenca	{{{cuenca}}} km²
Cabal meyano	{{{cabal}}} m³/s
Mapa
Río de la Fuent d'el Berro en Aragón

Lo Río de la Fuent d'el Berro ye lo principal afluent de lo río Guadalaviar en la Sierra d'Albarracín.

Naixe en la Fuent d'el Berro, situada en una "manga" u prolongación de lo termin d'Albarracín que bi ha entre los termins de Fridas y Calomart. Antes de la Fuent del Berro lo cauz de lo río reculle las auguas d'un ventallo de barrancos que bi ha a lo norte de la Muela de Fridas, en lo termin de Fridas d'Albarracín.

Tien dos tramos a on lo cauz ye entallau en lo substrato rocoso, la Foz d'el río Blanco u Canyón de los Arcos y la Foz de Calomart^[1].

La Foz d'el río Blanco u Canyón de los Arcos s'ha feito por encaixamiento en calsineras y dolomías churasicas. Bi ha ripas u parez cuasi verticals, pinaclos como El Moricacho, covachos, y un puent natural (Lo Puente de la Toba). La vechetación natural pende en formacions de pins, sabinas y chinebros. Bi ha uns cuantos molins (Molino de las Pisadas y Molino de abajo)^[1], y una presa (La Presa del Pozo de los Ahogados)^[2]. Ye un punto d'inspiración de leyendas como la historia d'El Moricacho de la Foz y l'aparición demoniaca en lo Molino de las Pisadas, a on que bi ha icnitas.

En Calomart lo río traviesa uns materials de chesos y archilas de facies Keuper y la val s'ixampla. Bi ha una chicota huerta.

Manimenos cuan lo río deixa dezaga ixos materials torna a encaixar-se de sopetón ta l'este por trobar-se materials calsinosos y forma la Foz de Calomart (Canyón de Calomarde en castellano). A piet de las ripas bi ha tarteras, que a vegadas fosilizan atras acumulacions de materials de ladera mes antigos indicadors de periglacialismo^[1] en un clima que i heba en la zaguera glaciación u Würm. La carretera d'Albarracín va paralela a lo río. En la marguin ezquierda de la val ye lo Rollo de Calomarde, un puent natural calsinoso visible dende la carretera, y que puet corresponder con lo Despenyadero de Ruello mencionau en lo "libro de pasos, masadas, abrevaderos y dehesas" de l'archivo de la Comunidat d'Albarracín y con materials escritos dende 1326.

En este endreito se troba la Cascada Batida^[2], un salto de bels 20 m y con una gorga rodeyada de tot por parez de travertins que se formoron entre fa 10.000 y 7.000 anyadas, cuan lo río no yera tan rapido y lo clima yera mes calido. La formación de travertins encara ye activa, pero menos, porque predominan los procesos d'erosión^[1].

Pasa tamién cerca de Royuela. En un prau embadinau temporalment por lo río bi ha una localidat de lo endemismo botanico Puccinellia pungens, que tamién se troba en la Laguna de Gallocanta.

Lo río de la Fuent d'el Berro se reculle en lo río Guadalaviar en frent d'un puesto dito en la baixa Edat Meya Entramasaguas y huei en castellano Entrambasaguas, que vien de lo latín INTER AMBAS AQUAE y da ideya de forcallo de ríos.

• (es) Jorge Hermosilla Pla (dir.):Los regadíos históricos del Alto Turia turolense. Generalitat Valenciana, Conselleria de Cultura, Educació i Esport, Universidad de Valencia, 2008. ISBN 978-84-370-7316-3.
• (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. ISBN 84-86982-97-9.