Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Purullosa Purujosa
Municipio d'Aragón
Anvista de Purullosa.
Entidat  • País  • Provincia  • Comarca	Municipio  Aragón  Zaragoza Aranda
Partiu chudicial	L'Almunia de Donya Godina
Superficie	35,47 km²
Población  • Total  • Densidat	29 hab. (2013) 0,82 hab/km²
Altaria  • Meyana	978 m.
Distancia  • 104 km	enta Zaragoza
Alcalde	Mariano Sanjuán Clemente
Codigo postal	50268
Parroquial  • Diocesi  • Arcipestrau  • Parroquia	Tarazona Baixo Xalón O Salvador
Coordenadas	41°40’56’’N 1°45’50’’U
Purullosa Purullosa en Aragón
Web oficial

Purullosa (Purujosa en castellano) ye un municipio de la provincia de Zaragoza (Aragón), situato en la comarca de l'Aranda.

La suya población ye de 29 habitants, en una superficie de 35,47 km² y una densidat de población de 0,82hab/km².

Ye situato a 978 metros d'altaria dencima de lo livel d'a mar, a lo sud de Moncayo, entre la Sierra de Moncayo y la Sierra del Tablado, en lo cabalto de la val de la Isuela.

Ye a una distancia de 104 km de Zaragoza, la capital de la suya provincia.

Figura como Purillosa en la bula de 1158 de lo Papa Hadrián IV confirmando a lo bispe de Zaragoza Pere de Torroja la posesión de las ilesias de la diocesi de Zaragoza, confirmando tamién las mugas de lo bispato d'alcuerdo con las que fació lo rei visigodo Wamba:

En un texto de 1247 figura como Beriluesa cuan Chaime I permuta lo suyo castiello y villa de Bulbuent por Purillosa, que yera de lo monesterio de Veruela.

En "Rationes decimarum Hispaniae (1279-80): Aragón y Navarra" figura como Pereyllosa y Perayllosa, ye dicir "Perallosa".

En lo Libro Chantre s'escribe Purullosa:

En lo fogache de 1405 s'escribe Pluyosa, indicando ya prencipio de castellanización de lo fonema -ll- ta -j- fricativa medieval castellana seguindo o modelo de muller-mujer, fillo-hijo:

Bels autors dicen que lo nombre vendría d'o latín "podium" (pueyo, tozal)+basco "otz" (=fredo). Atros dicen que viene d'un antroponimo arabe (villa Perullosa) u celta (villa Burullosa).^[1]

Restas d'industria litica musteriense trobaus en o chacimiento d'a espelunga d'os Rincones indican la existencia de neandertals arredol de Purullosa. Per unatra parti arredol d'o Barranco de Valcongosto, bellas prospeccions arqueolochicas han localizau uesos dataus en a Edat de Bronce.

Cualques hipotesis apuntan a un primitivo asentamiento celtiberico.

Purullosa estió dada per Alifonso II, de conchunta con atros puestos, a lo monesterio de Veruela en chunyo de l'anyo 1177.

O 28 d'aviento de 1247, l'abat d'o monesterio de Veruela tornachuntaba con Chaime I d'Aragón o lugar de Purullosa per Bulbuent. Posteriorment pasaría a formar parte d'o patrimonio d'os Condes de Morata a los cuals perteneixió dica lo sieglo XIX. Seguntes Agustín Ubieto Arteta, la primera cita de lo lugar ye de 1158, recollita en la suya propia obra Cartulario pequeño de la Seo de Zaragoza, y documenta nomás la variant Purillosa.^[2]

• Ermita d'a Virchen de Constantín de Purullosa, una ermita d'estilo gotico de lo sieglo XVI, que se troba en l'interior d'una espluga. Se i conserva una talla d'una Virchen d'estilo romanico.
• Ilesia d'el Salvador de Purullosa, una ilesia d'estilo romanico de lo sieglo XII, encara que muit esviellata en o sieglo XVI.

Bi ha una lienda que diz que l'Emperador romano Constantín I lo Gran (272 – 337) vesitó Purullosa y per ixo lo escudo d'a localidat leva las armas d'o estandarte militar de Constantín I.

• Primer domingo de mayo.

• Se veigan as imáchens de Commons sobre Purullosa.
• (es) Pachina web oficial municipal.