O pico de Santo Domingo, tamién conoixiu como penyas de Santo Domingo ye un mont de 1.524 metros d'altaria situato en o termín municipal de Longars , en Cinco Villas y provincia de Zaragoza.
Se troba situau en a sierra de Santo Domingo, un d'os macizos a o sud d'a cordelera pirenenca que marcan a transición enta a depresión d'Ebro y que da nombre a o Paisache Protechito d'a Sierra de Santo Domingo.[1]
A suya cima ye doble, estando formada por dos cotas de menos d'un metro de d'altaria d'esferencia deseparatas por un collau a on ye ubicata l'armita de Santo Domingo. Bi ha un vértiz cheodesico que representa o cobalto d'a comarca de Cinco Villas, a más d'estar un d'os picos mas importants a l'ueste d'o Preperineu y a segunda altaria más prominent d'a provincia de Zaragoza dimpués de Moncayo.
Ye o mont a on se creye que estió situato o monasterio de Sant Esteban d'Orastre, pues seguntes descripcions de textos antigos d'o lugar on yera situato sembla que puet ser iste o puesto, anque no ye confirmau con evidencias fisicas.[2]
Toponimia
Prene o nombre, igual que a suya sierra, d'o santuario que se troba en o collau que desepara as dos cimas, l'armita de Santo Domingo.
Se conoixe como as Rallas de Santo Domingo a la formación que s'estendilla dende a Sierra de Lucientes dica o piet d'o pico de Santo Domingo.
Referencias
Vinclos externos
.png)
