Penya Rubia (Penya Rúvia en catalán) ye un sarrau de la sierra de las Defesas que baixa dende bels 1350 m dica lo río de las Truitas. Ye en lo termin municipal de La Iglesuela cerca de la muga con los termins municipals de Mosqueruela (Teruel) y Villafranca (Castellón).
La penya Rubia ye cheolochicament lo costau nord-este d'un plego anticlinal que afecta a formacions cretacias, predominando en este costau las calsineras y salagons de l'Aptián.
Toponimia
L'oronimo Penya Rubia proviene de lo latín PINNA RUBEA ("penya roya") seguindo una evolución culta que a vegadas ha substituito a la forma patrimonial en aragonés Penya Roya. Ramon Menéndez Pidal observó que en los elementos romances de lo latín medieval de Leyón y Castiella las primeras formas derivadas de RUBIU y RUBIA seguiban la lei fonetica que daba royo y roya, que estas formas patrimomials son relativament tardanas, y que desapareixioron mayoritariament de la toponimia (Cueuas Rruyas desapareixió y quedó como Covarrubias; Gonzalo de Berceo escribiba Monte Ruyo pa fer mención de lo lugar riojano de Monterrubio). La eliminación de la forma patrimonial por la cultista no se produció mayoritariament en Aragón, ni tampoco en Burgos, Soria y La Rioja,[1] por lo que ye común la existencia de toponimos formaus con royo y roya, y microtoponimos con la palabra derivada royal.
En un texto de 1265 de l'archivo d'aldeyas de la Comunidat de Teruel se'n fa mención como una muga de lo termin de Mosqueruela:
Tamién se'n fa mención en un texto de 1251, cuan Guillem d'Anglesola dió carta de población a Vistabella:
et de
Penna Rubea ascendit usque ad
Talayam altam que est inter locum qui vocatur
Arçedol et
castro de Boyo, et de Talaia alta vadit serra serra vadit ad
Monteleoni, et de Monteleoni vadit ad Arçedolum, et de Arçedolo vadit carraria carraria usque in fundo de illo loco vocatur
MosquerolaO toponimo Pinna Rubea es o mesmo que orichina o d'a población Pena-roja, en o Matarranya
Referencias
Bibliografía
- (es) Eduardo Viñuales Cobos (coordinador): Red natural de Aragón. nº 3, Maestrazgo Prames, 2006.
- (es) Eduardo Viñuales Cobos (coordinador): Red natural de Aragón. nº 9, Gúdar-Javalambre Prames, 2006.
- (es) Ricardo Pitarch García: Estudio de la flora y vegetación de las sierras orientales del Sistema Ibérico: La Palomita, Las Dehesas, El Rayo y Mayabona (Teruel). Editor: Consejo de Protección de la Naturaleza de Aragón, 2002.
- (es) Enric Guinot: Els límits del regne, el procés de formació territorial del País Valencià medieval (1238-1500). Edicions Alfons El Magnànim. 1995.
- (es) Instituto Geológico y Minero de España: Mapa Geológico de España E 1:50.000. Mosqueruela. Servicio de publicaciones de Ministerio de Industria y Energía, 1979.
