Otto Stern, naixiu de Sohrau (Silesia, Reino de Prusia, hue Polonia) o 17 de febrero de 1888 y muerto en Berkeley (California, Estaus Unius) o 17 d'agosto de 1969, estió un fisico y profesor universitario estausunidense d'orichen alemán. Por as suyas investigacions, Otto Stern recullió o Premio Nobel de Fisica en 1943.
Biografia
Naixiu o 17 de febrero de 1888 en a ciudat de Sohrau, estudió fisica en a Universidat de Wrocław y, posteriorment, estió nombrau profesor en a Escuela Tecnica de Zúrich, de Frankfurt d'o Main y d'Hamburgo. En 1933 dimitió como profesor d'ixa zaguera Universidat y se tresladó ta os Estaus Unius, en do obtenió o cargo de profesor d'investigación en fisica en l'Instituto Carnegie de Tecnolochía, hue Universitat Carnegie Mellon, en Pittsburgh, Pennsilvania.
Otto Stern morió o 17 d'agosto de 1969 en Berkeley, ciudat en do heba fixau a suya residencia en os Estaus Unius.
Investigación cientifica
Intresau en o magnetismo, calculó o moment magnetico de l'atomo de plata, y as suyas investigacions sobre o protón li premitión de descubrir que o momento magnetico d'iste teneba una valura 2,5 vegadas mas gran que o predito por a teoría de Paul Dirac.
L'anyo 1943 se le atorgó o Premio Nobel de Fisica por os suyos estudios sobres os faixos moleculars, as propiedaz magneticas d'os atomos y o descubrimiento d'o momento magnetico d'o protón en una serie d'experiments realizaus en colaboración con Walter Gerlach, y conoixius como l'experimento de Stern-Gerlach.
Vinclos externos