Otto Skorzeny (Viena, 12 de chunio de 1908 - Madrit, 5 de chulio de 1975) estió un militar, incheniero y comandant perteneixient a las Waffen-SS alemanas mientres a Segunda Guerra Mundial. Chunto con Reinhard Heydrich, estió un d'os hombres mas capacitatos, si no lo que mas, de Hitler en temas de misions de comando, amás d'estar respectato y temito por os suyos.
Experto en accions d'espionache y sabotache, yera conoixito por os Aliaus como Cara tallada a causa d'as grans cicatrices que le sulcaban os caixos, recibitas mientres a suya estada en a Universidat. Se fació famoso por o rescate d'o dictador italiano Benito Mussolini, asinas como por realizar a Operación Greif, que li valió o sobrenombre de L'hombre mas perigloso d'Europa por parti d'os Aliaus. O 21 d'aviento de 1944, as tropas que dirichiba mientres a Batalla d'as Ardenas fracasoron en o suyo intento de reconquerir a ciudat belga de Malmedy.
Dimpués d'a rendición alemana en 1945, fue engarcholato pero en zagueras liberato sin de cargos. Mas tardi se convirtió en un prospero hombre de negocios, mas que mas en o comercio d'armas. Mientres d'os zaguers anyos, Otto Skorzeny vivió en Pollença (Mallorca) y se suposa que estió un d'os prencipals organizadors de l'asociación d'antigos miembros d'as SS "ODESSA". Morió a causa d'un cáncer.
Vinclos externos
.svg){kind=small}
.svg){kind=small}
.svg){kind=small}
