Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Australia ye dividida en seis estaus, tres territorios continentals y atros territorios insulars. Os estaus son Nueva Galas d'o Sud (NSW), Queensland (QLD), Australia Meridional (SA), Tasmania (TAS), Victoria (VIC) y Australia Occidental (WA). Os tres territorios continentals son o d'o Norte (NT), o d'a Capital Australiana (ACT) y o d'a Badía de Jervis (JBT) (que se considera parti de l'ACT). En a mayor parti d'os suyos afers, os territorios funcionan de manera parellana a os estaus; manimenos o Parlamento d'a Mancomunidat tien o poder d'anular cualsiquier lechislación d'os parlamentos d'os primers. D'atra man, a lechislación federal nomás puet anular lechislacions d'os estaus relativas a bellas arias seguntes s'estableixe en a Sección 51 d'a Constitución Australiana; toz os poders lechislativos residuals son manullaus por os parlamentos d'os estaus, incluyindo-ie hespitals, educación, policía, poder chudicial, carreteras, transporte publico y gubierno local.

Cada estau y territorio tien a su propia lechislatura (unicameral en o caso d'o Territorio d'o Norte, o Territorio d'a Capital Australiana y Queensland, y bicameral en os estados restants). A cambra baixa ye conoixida como Asamblea Lechislativa (Cambra de l'Asamblea en Australia Meridional y Tasmania) y a cambra alta ye dita Consello Lechislativo. O chefe de gubierno de cada estau y territorio ye dito premier u chief minister respectivament. A reina ye representada en os estaus por un gubernador, en o Territorio d'o Norte por un administrador, y en o Territorio d'a Capital Australiana por o gubernador cheneral.

Australia tien tamién cuantos territorios menors. O Gubierno federal administra un aria deseparada aintro de Nueva Galas d'o Sud, o Territorio d'a Badía de Jervis, como base naval y puerto maritimo ta a capital nacional. Australia poseye amás os siguients territorios externos habitaus: Isla Norfolk, Isla de Nadal y Islas Cocos; y os territorios externos deshabitaus d'Islas Ashmore y Cartier, Islas d'a Mar de Coral, Islas Heard y McDonald y Territorio Antarctico Australiano.

Numero	Bandera	Escudo	Estau	Capital	Aria	Población (2012)
2			Nueva Galas d'o Sud (NSW)	Sydney	809 444 km²	7 272 800
3			Victoria (VIC)	Melbourne	237 629 km²	5 603 100
4			Queensland (QLD)	Brisbane	1 852 642 km²	4 537 700
5			Australia Meridional (SA)	Adelaida	1 043 514 km²	1 650 600
6			Australia Occidental (WA)	Perth	2 645 615 km²	2 410 600
7			Tasmania (TAS)	Hobart	68 401 km²	502 600

Numero	Bandera	Escudo	Estau	Capital	Aria	Población (2012)
1			Territorio d'a Capital Australiana (ACT)	Canberra	2358 km²	373.100
1			Territorio d'a Badía de Jervis	Sussex Inlet	67 km²	611
8			Territorio d'o Norte (NT)	Darwin	1 420 970 km²	233 300

Bandera	Territorio	Capital	Aria	Población
	Isla Norfolk (NF)	Kingston	34,6 km²	2128 (2008)
	Isla de Nadal (CRX)	Flying Fish Cove	135 km²	1493 (2006)
	Islas Cocos (Keeling) (CC)	West Island	14 km²	628 (2005)
	Islas Ashmore y Cartier	-	199,45 km²	- (2007)
	Islas d'a Mar de Coral	-	5 km²	-
	Isla Heard y Islas McDonald	-	372 km²	-
	Territorio Antarctico Australiano(**)	-	5 896 500 km²	-

(**)O Territorio Antarctico Australiano no ye efectivament administrau por Australia, ye una reclamación suspendida d'alcuerdo a l'articlo 4 d'o Tractau Antarctico. O Tractau conchela as aspiracions territorials d'os sinyatarios, impide a negación u afirmación de dreitos de sobiranía d'os sinyants, y vieda a realización de nuevas reclamacions

• Australia Central (CA) (Alice Springs)