L'observatorio Kleť (Hvězdárna Kleť) ye un observatorio astronomico situau en a República Checa. Se troba en Bohemia, amán d'a ciudat de České Budějovice a lo sud d'a tuca d'o monte Kleť y a una altitut de 1.070 metros. Fue construyito en l'anyo 1957, y conta con arredol de 150 nueitz claras a l'anyo ideyals ta la observación astronomica.
L'astrónomo Antonín Mrkos treballó aquí dende 1966 dica 1991. Actualment Jana Tichá y o suyo mariu Miloš Tichý treballan en iste observatorio como astronomos prencipals.
Instrumentos
L'observatorio tien dos telescopios prencipals:
- Un telescopio d'1,06 m, KLENOT (dende 2002).
- Un telescopio reflector 0,57m, f/5.2 (dende 1993).
Asteroides
L'asteroide (7796) Járacimrman fue redescubierto dende l'observatorio Kleť o 16 de chinero de 1996 por Zdeněk Moravec y se designó 1996 BG. S'observó dica abril de 1996 y dimpués en chunio y chulio de 1997. S'ha descubierto que ye un asteroide perdiu que s'heba observau previament en dos ocasions: dende l'observatorio de Brera-Merate en o norte d'Italia, o 12 d'aviento de 1973, y dende l'observatorio d'Amonte Stromlo (amán de Canberra, Australia), l'8 y 9 de chulio de 1990.
Referencias
Vinclos externos