Mont (terreno)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo tracta sobre mont como tipo de terreno. Pa atros emplegos de la parola mont, vaiga a Mont (desambigación).
Mont de pins en lo municipio de Molinicos (Albacet).

Un mont (de lo latín MONTEM) ye un terreno de sequero[1], un terreno fuera de lo nuclio habitau u un terreno yermo poblau d'árbols, arbustos y matas[2]. Estos significaus son diferents a l'accepción orografica que teneba orichinariament la parola latina y expresan una oposición d'un terreno mes dificil u menos treballau con respecto d'un terreno mes transformau por l'acción humana. Cuan la superficie yerma ye muit gran recibe la denominación de "monteriza" en las riberas de l'Ebro dende Taust dica Casp[1].

En los termins municipals de muitas localidaz bi ha terrenos que por poder estar espleitaus en común por los suyos habitadors reciben la denominación de comuns[3][4] u comunals. En la lechislación espanyola existe la figura de "monte de utilidad pública" y los monts d'utilidat publica son en un rechistro dito "Catálogo de Montes de Utilidad Pública".

Referencias

  1. ↑ 1,0 1,1 (es) Juan Antonio Frago Gracia: Toponimia navarroaragonesa del Ebro (IV): Orónimos ISSN 0210-5624, Vol. 30-31, 1982 , pachinas. 23-62 [1]
  2. ↑ (es) María Luisa Arnal Purroy: Diccionario del habla de la Baja Ribagorza Occidental. Gara d'Edizions, 2003. p 129, p 138.
  3. ↑ (es) BARCOS, Miguel Ánchel: El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, p 225.ISBN 978-84-8094-058-0 "mont común" en ansotano.
  4. ↑ (es) Juan José Pujadas: Ensayo etnolingüístico. El Campo lexico de las denominaciones orográficas. Ethnica, 11, 1976, pp 149-177.