A rateta de selva[1], rateta de prato u topo de prato[2] (Microtus agrestis (Linné, 1761)[3]) ye un mamifero d'a orden d'os Rodentia y familia Cricetidae que ye un d'os mamiferos mas comuns d'Europa, con un rango que s'extiende dende a costa atlantica dica o laco Baikal.
Ye d'arredol de 10 cm de longaria, con una coda curta, y se troban en habitats d'hierba humida, como selvas, almarchals u en as marguinas d'os ríos. Encara que fan cados una mica fundos, per un regular construyen niedos sobre lo solero. Son una important fuent de birolla pa os bobons y cualques atros depredadors, y la grandaria d'a suya población tiende a augmentar y disminuyir ciclicament. As ratetas de prato se reproducen prolificament, sobretot de verano, pero a ormino mientres tot l'anyo, mesmo baixo a nieu. As fembras producen dica siet cadillada per anyo, cadaguna con un promeyo de cuatro a seis crietas que s'esbezan dimpués d'uns catorce días.
Referencias
- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (an) Rafel Vidaller Tricas: Lista patrón d'os nombres d'os mamiferos terrestres ibericos en aragonés (II), Fuellas 251-252, Consello d'a Fabla Aragonesa, 2019, ISSN 1132-8452, pp. 19-24.
- ↑ (en) Anthony J. Mitchell-Jones, Giovanni Amori, Wieslaw Bogdanowicz, Boris Krystufek, P. J. H. Reijnders, Friederike Spitzenberger, Michael Stubbe, Johan B. M. Thissen, Vladimiŕ Vohralik, Jan Zima: The Atlas of European Mammals. Poyser, London, 1999, ISBN 0-85661-130-1, pp. 226–227.
Vinclos externos
