O Mercau Central de Zaragoza u de Lanuza[2] estió disenyato en 1895 por l'arquitecto aragonés Félix Navarro Pérez ta substituir a o tradicional que se plegaba a l'aire libre en l'antiga Plaza d'o Mercau. Estió encargau por a Sociedad Nuevo Mercado de Zaragoza y en 1903 ya yera finalizau. Ye molimento historico nacional dende 1978 y Bien d'Intrés Cultural dende 1982.
L'edificio, debantado en estructura de fierro, tien un disenyo funcional y una planta rectangular. Félix Navarro heba estau en París y conoixeba Les Trobes, obra que sin dubda le influyó a la hora de disenyar o mercau central. Planió una planta rectangular con tres naus, estando mas amplia y alta a central. Tota l'estructura descansa sobre un semi-sotano que serviba de almacén y que a l'exterior presenta a imachen d'un zocalo.
Os materials utilizaus combinan a piedra y l'arquitectura d'o fierro y de cristal. As fronteras presentan elementos neoclasicos (galerías d'arcos, decoración escultorica d'alegorías de l'agricultura, a caza, a pesca y o transporte y medallons) a o costau de retículas de forcha. Os capitels d'as columnas de fierro tienen formas orichinals, como que cestitos, fuellas de acanto, palmas neoclasicas y fruitas en racimo.
Referencias
Vinclos externos
