Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A matacía^[1] (d'o latín < *MATTARE^[2]) ye o sacrificio d'un u cuantos cochins con l'obchectivo d'aprofitar a suya carne y a ormino pa proporcionar mondongos entre un anyo pa l'alimentación d'una familia. Amás la ensundia ye emplegada entre cuantos meses. Se tracta d'un costumbre popular de diversos países europeus, cheneralizada dende tiempos remotos y realizada de forma artesanal, con diversas peculiaridaz en función d'o puesto en que se celebra. S'efectúa una vegada a l'anyo, cheneralment coincidindo con os meses mas fríos de l'hibierno. Gosa tener un costau festivo y de celebración, amás de l'economico.^[3]

En as vals altas d'a comarca de Sobrarbe (Tella, Bielsa y Chistau) tamién se siente decir a variant mataciya^[4] / matacilla^[5] d'o nombre, analogo de como de «día» fan «diya» por ixa parte.

• Tres días i hai en l’anyo que relucen mas que o sol: matacía, punchacuba y o día de o conservón.^[6]
• Tres días hay que relumbran más qu'el sol: matacía, esquilla y o día d'a encubación.^[7]

• Mondongo.