Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
As marinetas son una prenda tradicional masculina que cubriba dende a cintura dica os chinullos, ligada por alto y por abaixo, y que se vestiba de regular debaixo de calzón en determinaus vestius tipicos, como por eixemplo en o vestiu tipico aragonés, en o cual fa parte d'a ropa interior.
As marinetas se confeccionan con tela blanca, lo mas a sobén de filadura de lino u cotón, mas fresca pa verano y mas densa pa l'hibierno. Tienen una apriencia bolsuda arredol d'o chinullo, y se ligan con cintas, camaligas u bel cordel que lieva la mesma prenda. Exteriorment tienen un aspecto que fa alcordanza d'os valons, con os cuals posiblement son emparentadas.
Imáchens
Vestiu aragonés (1902), con marinetas (poco vistables) debaixo d'o calzón.