Mariano de Ibáñez Cuevas y Rubio (Fuents Claras, 15 de setiembre de 1750 - Tarragona, 1802) estió un militar y politico aragonés. Perteneixeba a lo linache y casa d'os Marqueses d'a Canyada, estando considerau per la suya cuna como Caballero Noble d'Aragón. Estió fillo d'o escritor y inventor José Ibáñez y Gassia, sobrino d'o escritor y relichioso Joaquín Ibáñez de Jesús y María y descendent d'o tenient cheneral Ibáñez Cuevas, qui ise nombrau primer marqués d'a Canyada.
Biografía
Estió tenient coronel d'o Rechimiento d'Infantería de Saboya y dende 1767 mariscal de campo. Estió investido caballero d'a Orden de Santiago en 1787. Mientres un tiempo estió correchidor en o virreinau d'o Río d'a Plata. Lo 4 de chunio de 1798 estió nombrau gubernador militar de Tarragona dica la suya muerte en 1802.
