O Prencipau de Liechtenstein (pronunciato /ˈlɪçtnʃta͡ɪn/) ye un país en Europa Central, sin dentrada a la mar, que ye rodiato a l'ueste por Suiza y a l'este por Austria[1]. A suya fuya forma de gubierno ye a monarquía constitucional y suyo territorio ye o resultau «d'a unión de dos enclaves: Vaduz y Schellenberg»[2] constituyius en un total de once comunidaz u municipios. A capital ye Vaduz y a ciudat mas poblada ye Schaan. Con un aria de poco mas de 160 kilometros cuadraus y una población de 37.000 personas ye o estau de parla alemana mas chicot d'o mundo.
O principau conoixiu por estar un paradiso fiscal. Encara que no ye miembro d'a Unión Europea, dende aviento de 2011 fa parti d'o espacio de libre circulación europeu.
Geografia
Liechtenstein se troba en Europa Central, en a val d'o Rin en os Alpes. En total a muga d'o país tien 76 km, 35 km d'éls en a parti uest y sud de Liechtenstein que muga con Suiza, división natural formada por o río Rin. A l'este muga con Austria con una muga de 41 km.
Liechtenstein no tien costa y, chunto con Uzbekistán, ye un d'os dos unicos países d'o mundo que no nomás no tienen salida a la mar, sino que tampoco no en tien dengún d'os países con os que tien muga.
O terreno ye montanyoso en cuasi toda a suya extensión debiu a os Alpes, con a val d'o Rin a o suyo tercio ueste. O punto mas baixo se troba en Ruggell Riet, con una cota de 430 m. D'atra man, a parti oriental d'o país se troba a una mayor altaria, estando a cota mas alta o Grauspitz, con 2.599 m.
Como recursos naturals, dispone d'una tierra arable y por a suya forma montanyosa y cantidat de ríos tien potencial hidroelectrico.
Por as suyas condicions cheograficas, d'hibierno se i pueden practicar esportes d'hibierno.
Climatologia
A tamas d'a suya localización alpina, os vientos predominants d'o sud suavizan o clima de Liechtenstein. O suyo clima ye continental, con hibiernos emboiraus y fredos, con plevias y nevazos frecuents. Os veranos son fredos tendendo a licherament calidos, con boiras y prou humedat.
Organización político-administrativa
- Se veiga Municipios de Liechtenstein
Liechtenstein se divide en once municipios (Gemeinden - singular Gemeinde), a mayoría tien nomás un lugar. Istos son os siguients:
Esporte
En o país nomás bi ha cuatre centros esportivos: un en Vaduz, un en Ruggell, un en Balzers y un atro en Schaan.
Referencias
Vinclos externos
