- Iste articlo ye sobre una cinta espanyola de cine de comedia de l'anyo 1982; ta atros usos, se veiga La tía de Carlos y La tía de Carlos (cinta).
La tía de Carlos (títol orichinal en castellano, en aragonés A tía de Carlos) ye una cinta de cine de comedia de cine espanyol de l'anyo 1982 dirichida por Luis María Delgado seguntes un guión adaptau por Vicente Coello y Dionisio Ramos ("remake" d'a cinta danesa Charles tante de 1959 dirichida por Poul Bang, a la vegada adaptación d'a obra teatral Charley's Aunt publicada en 1892 por Brandon Thomas). A dirección de fotografía d'a cinta ye un treballo de Manuel Rojas, a suya banda sonora orichinal lo ye de Gregorio García Segura y la producción cinematografica de La tía de Carlos ye al cudiau de Jesús R. Folgar y Manuel Sánchez ta la productora cinematografica Filmayer. Fan parte de l'elenco d'a cinta, entre d'atros actors, Paco Martínez Soria, Rafael Alonso, Luis Barbero, María Luisa Bernal, Rafael Hernández, María Kosty, Carmen Lozano, Ricardo Merino, Mary Paz Pondal, María Luisa Ponte, Ángel Terrón, Luis Varela y Luis Lorenzo.
Carlos y Fermín quieren casar-se con as suyas novias, chirmanas, pero lo pai d'as mesachas no quiere porque no tienen diners. Carlos li explica que viendrá su tía, una vídua muit cabalera que vive en Brasil, Lucía Castelo Encantado da Selva Fermosa, y alavez o pai accepta. Pero como la tía no plega como yera previsto, Carlos li demana a lo suyo amigo Fermín Recuero, un actor teatral sin treballo, que aparente estar a tía de Carlos en disfrazando-se. A cinta s'ambienta en Alicant en a suya epoca actual (1982) y las suyas escenas se filmoron en Alteya, Alicant y Benidorm en a Comunidat Valenciana y en Madrit.[2]
La tía de Carlos ye la zaguer cinta en a filmografía de l'actor Paco Martínez Soria, qui morió poco dimpués de rematar o rodache d'a cinta, cinta que s'engueró pocas semanas antis d'a suya muerte.
Se veiga tamién
Referencias
Vinclos externos
