José Luis Costa Cenzano, conoixiu esportivament como Costa u Costica, y naixiu de Ciudad Real, Castiella y Leyón o 6 d'octubre de 1909 y muerto o 26 de chinero de 1986, estió un futbolista espanyol, entrenador y directivo que chugaba de debantero, y que estió parte d'as plantillas d'o Stadium, Zaragoza CD, At. de Madrit y Real Zaragoza. Como entrenador dirichió a la selección española de fútbol mientres tres anyadas en siet partius y como directiu plegó a estar president d'a Reyal Federación Espanyola de Fútbol mientres as anyadas de 1967 y 1970.
Biografía
Naixiu de Ciudad Real por circumstancias familiars, o suyo pai yera José Costa Gálvez, un zaragozano destinau en ixa ciudat por o Banco d'Espanya a on treballaba. Principió a fer esporte con chent de l'alta sociedat d'a ciudat a on formaron una colla que chugaba a fútbol partius amistosos prenendo o nombre d'os once negros, por a color d'o suyo uniforme. Se traslada enta Zaragoza ta estudiar medicina en a Universidat de Zaragoza y contina a suya afición como fútbolista fen-do parte d'a plantilla d'o Stadium que poco dimpués se fusiona con o Zaragoza Foot-Ball Club y creyar o Zaragoza CD, o suyo pai tamién dentra en a directiva d'istos equipes. Chuga en o Zaragoza CD mientres tres temporadas, d'antis de chugar cuatre en l'Atlético de Madrid (una en primera nomás) y una en o Real Zaragoza.
Retirau como futbolista en 1935, en 1937 s'incorpora en o bando nacional en a guerra civil espanyola, como brigada en o cuerpo medico militar.
Dimpués d'a Guerra, Costa torna a Madrid y s'incorpora como directivo d'o Atleti, en 1944 forma parte d'a chunta directiva que preside Juan Torzón. Dos anyos dimpués en 1946 ye nombrau secretario d'o club, y tres anyos mas tarde, ye o secretario tecnico. En 1956 fa la suya primera aparición en a Federación Espanyola de Futbol, pus pasa a lo Comité Tecnico d'a mesma, an remaneix cuatro anyos.
En 1960 la Federación decide destituir a Manolo Meana como seleccionador nacional y designa un trío pa substituyir-le. Se trataba de tres medicos: Ramón Gabilondo, Jaime Lazcano y José Luis Costa. Luego dimite Lazcano y s'incorpora Lasplazas. Este trío solo triaba, no entrenaba, pa ixa función contaban con Helenio Herrera. En 1961 dos redotas con Anglaterra y unatra con Austria acaba con o trío de seleccionadores en favor de Pedro Escartín, que en ye o succesor. Costa contina en a directiva d'a Federación y en 1963 en ye o suyo tresorero, y no ye dica 1967 que aconsigue estar o vinteno President d'a Federación, en estar nombrau per o delegau nacional d'Educación Fisica y Esportes, Juan Antonio Samaranch. Con ell en a presidencia, Espanya disputa 20 partius, d'os cuals gana nueu, empata seis y pierde cinco. Baixo o suyo mandato empecipian a esbozar-se as intencions d'organizar un Mundial, que s'aconsiguió en organizando-lo en 1982. Dimpués d'o suyo paso per a presidencia, a vida publica de José Luis Costa cuasi desapareixe y feneixió dimpués d'una larga malotía o 26 de chinero de 1986.
Vinclos externos
