Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Angoy
Información personal
Nombre	Jesús Mariano Angoy Gil
Naixiu o	24 d'abril de 1969
Naixiu de	Alagón, Aragón
Altaria	1,85 metros
Posición	Portero Placekicker
Esporte	Fútbol
Equipos profesionals
Anyos	Equipo
1984-1985 1985-1987 1987-1988 1988-1995 1988-1989 1995-1996 1996-1997 1997-2003 2003-2005 ? 2006	UD Barbastro CD Calatayud Barcelona Amateur Barcelona Atlètic → CD Logroñés FC Barcelona Córdoba CF Barcelona Dragons[1] Badalona Dracs[1] Bergamo Lions[1] CE Europa
Equipos dirichius
2010-2014 2014-2015 2016	CE Europa CE Hospitalet CD Morell

Jesús Mariano Angoy Gil (naxiu o 22 de mayo de 1966 d'Alagón, Zaragoza) ye un ex-futbolista y ex-chugador de fútbol americano aragonés. Como futbolista chugó de portero y en o fútbol americano chugó de placekicker en os Barcelona Dragons. Yera conoixido tamién por estar o yerno de Johan Cruyff.

Actualment ye entrenador d'a UE Horta.

Formau esportivament en o Calatayud y o Barbastro en Aragón ingresó en a cantera d'o FC Barcelona, en o Barcelona C, debutando como profesional con o CD Logroñés y con mas de 20 anyos d'edat. Pasó cuantas temporadas en o equipo filial d'o Barcelona, en Catalunya, chugando tres anyos en a Segunda División d'Espanya.

Chugó en o primer equipo dimpués d'a salida d'Andoni Zubizarreta y antis de l'arribada de Vítor Baía, substituyindo a Carles Busquets pa lograr chugar en nomás nueu partius oficials en a liga espanyola. En plegar a final d'a temporada 1995-96, tanto Angoy como Johan Cruijff (Angoy ye casau con una d'as fillas de Cruijff^[2]) decidioron deixar o club. Dimpués de chugar en o Córdoba CF en a fase pa puyar a 2ª División A d'a temporada 95-96, decidió retirar-se d'o fútbol.

En chinero de 2009 s'incorporó l'organigrama tecnico d'o Club Esportiu Europa como preparador de porteros d'o fútbol base. A temporada 2010/2011 debuta como entrenador dirichindo a o chovenil B d'o mesmo club.^[3]

En agosto de 2010 se fa oficialment cargo d'o chovenil A d'o Club Esportiu Europa que chuga en a liga nacional. En a suya segunda temporada puya a o equipo dica a división d'honor.

En noviembre de 2014 dirichió mientres bels meses a o chovenil d'o C.E. Hospitalet dica sacar-lo d'o descenso.

En 2016 prencipió a entrenar a o CD Morell en a suya primera etapa con un equipo amateur de tercera división, y en l'actualidat, dimpués d'o suyo paso por a UE LA Palma. entrena la UE Horta.

Angoy chugó mientres siet anyos (entre 1996 y 2003) en a extinta NFL Europa como kicker d'os Barcelona Dragons,^[4] pa pasar dimpués por Badalona Dracs y Bergamo Lions (Italian Football League).

En 1999, refusó una oferta d'os Denver Broncos, o equipo campión reinant d'ixe anyo d'a National Football League.^[5] Fue seleccionau en 2002 pa o Equipo Ofensivo d'a NFL Europa.^[6]

Angoy se retiró estando o segundo millor anotador en a historia d'a NFL Europa con 329 puntos totals (164 puntos extras y 55 gols de campo), estando nomás superau por l'anglés Rob Hart.^[7] Aduyó a o suyo equipo a arribar a tres World Bowls, ganando una (V)^[8] y perdendo dos (VII y IX).

Dimpués d'a desaparición d'os Barcelona Dragons chugó en os Bergamo Lions y tamién en os Badalona Dracs.

Tien dos fillos naixius d'o suyo matrimonio con Chantal Cruyff Coster (16/11/1970, filla de Johan Cruyff): Jessua Andrea Angoy Cruyff (11/03/1993) qui ye futbolista profesional (Wigan Athletic B, Lausanne-Sport) y Gianluca Angoy Cruyff.

• (es) Perfil de Angoy en BDFutbol.
• (es) Estatisticas d'Angoy en a NFL Europa.