Javier Rincón Gimeno (Zaragoza, 4 d'agosto de 1968)[1] ye un arquitecto y politico aragonés. Ye consellero d'Agricultura, Ganadería y Alimentación d'o Gubierno d'Aragón dende chulio de 2004.
Biografía
Arquitecto especialista en Urbanismo por a Escuela Tecnica Superior d'Arquitectura de Navarra, ha feito parti d'o Cuerpo de Funcionarios Superiors de l'Administración d'a Comunidat Autonoma d'Aragón dende l'anyo 1994. En istos anyos como funcionario publico ha ocupau diferents puestos en o Gubierno en ambitos como l'urbanismo y o turismo, estando titular d'a Chefatura d'o Servicio d'Infraestructuras Turisticas entre 1999 y 2023.
Tamién ha ocupau atros cargos como os de Chefe de Gabinet d'o Consellero d'Economía, Hicienda y Fomento d'o Gubierno d'Aragón (1997-1999) y Secretaire Cheneral Tecnico d'o Departamento d'Agricultura, Ganadería y Meyo Ambient d'o Gubierno d'Aragón (2011-2015).
Con l'arribada de Jorge Azcón a la presidencia d'o gubierno en 2023 ye nombrau Secretaire Cheneral Tecnico d'o Departamento de Hicienda y Administración Publica d'o Gubierno d'Aragón.[2] Un anyo dimpués, o 12 de chulio de 2024, en o marco d'una restructuración d'o gubierno, ye nombrau consellero d'Agricultura, Ganadería y Alimentación.[3]
Referencias
Vinclos externos
