PROFILPELAJAR.COM

	Ipiés
	Lugar d'Aragón
Entidat; • País; • Provincia; • Comarca; • Municipio	Lugar; Aragón; Uesca; Alto Galligo; Samianigo
Partiu chudicial	Chaca
Población; • Total	; 9 hab. (2016)
Altaria; • Meyana	; 820 m.
Distancia; • 42 km	; enta Uesca
Codigo postal	22600
Parroquial; • Diocesi; • Arcipestrau; • Parroquia	; Chaca; Samianigo; Purificación de María
Coordenadas	42°26’30’’N 0°22’33’’U
	Ipiés Ipiés en Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ipiés ye un lugar aragonés d'a provincia de Uesca situato en o municipio de Samianigo, en a comarca de l'Alto Galligo.

A suya población ye de 9 habitants (2016).

Cheografía

O lugar ye situato en a marguin ezquierda d'o Galligo, arredol d'una carrera, a 820 metros d'altaria sobre o livel d'a mar y a una distancia de 42 km d'a ciudat de Uesca, a capital d'a suya provincia. A ilesia parroquial d'Ipiés se troba desalpartata en un tozal.

Demografía

A la fin d'o sieglo XV teneba 4 fuegos y a meyatos d'o sieglo XIX yeran 19 os habitants. Con a construcción en ista epoca de casa El Hostal en o puesto dito hue l'Hostal d'Ipiés a población d'Ipiés baixo mientres o zaguer sieglo, tresladando-se a chent a lo nuevo lugar mas amán d'a carretera. Asinas en 1981 ya yeran nomás 6 os habitants d'Ipiés contimparatos con os 38 de l'Hostal.

Evolución demografica

1362 f	1495 f	1842	1857	1860	1877	1887	1897	1900
-	4	43	-	-	-	-	-	-

1910	1920	1930	1940	1950	1960	1970	1981	1991
-	-	-	-	-	-	-	6	-

1992	1994	1996	1997	1998	1999	2000	2001	2002
-	-	-	-	-	-	6	6	9

2003	2004	2005	2006	2007	2008	2009	2010	2011
9	9	9	9	8	10	9	-	-

2012	2013	2014	2015	2016	2017	2018	2019	2020
-	-	-	-	-	-	-	-	-

2021	2022	2023	2024	2025	2026	2027	2028	-
-	-	-	-	-	-	-	-	-

1362-1495: fuegos; 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Climatolochía

O clima d'Ipiés ye un clima continental interior. De verano se puet plegar dica os 35 °C; sindembargo, en hibierno se puet plegar dica os -15º(-23 °C,31-1-1954).

As plevias, distribuitas por tota l'anyada, son mas importants de primavera y d'agüerro; antiparte, o verano ye a estación mas seca con muitas tronatas.

**Climatolochía d'Ipiés**
	chi	feb	mar	abr	may	chn	chl	ago	set	otu	nob	abi	TOTAL
Temp. maxima meya (°C)	6,5	7,0	11,0	16,0	20,0	27,0	28,0	28,0	20,0	12,0	7,0	5,0	15,3
Temp. minima meya (°C)	-4,0	-2,0	1,0	4,0	8,0	14,0	15,0	16,0	12,0	4,0	-1,0	-3,0	5,6
Precipitacions (mm)	60	50	70	100	70	50	10	20	40	100	80	60	730mm

Molimentos

A Ilesia d'a Purificación de María d'Ipiés, una ilesia d'os sieglos XVI-XVIII adedicada a la Purificación de María, que ye la ilesia parroquial d'o lugar.^[1] Ye un edificio en mampostería con revoque exterior, encara que con bellas partes en piedra picada, con nomás que una sola nau rectangular dividida en cuatre trampos, entrando-se en la suya torre adosada dende lo primero s'istos trampos; se i dentra a la ilesia a traviés d'un arco de meyo punto baixo un portico y lo tellau de l'edificio ye de losa.^[2]

D'entre l'arquitectura popular destaca casa Martín Pavlo por a suya antigüidat y os elementos arquitectonicos tradicionals que se i conservan. Asinas podemos alufrar a suya portalada adovelata y a finestra conopial suya. Adintro d'a casa pueden veyer-sen un polito patio, una solanera de fusta y un palomar, antimás d'as suyas puertas decoratas elementos masonicos. En a frontera norte puet veyer-se una finestra de 1591 con decoración de rosas y cerclos.

Tamién ye intresant casa Hermenegildo con a suya portalada adovelata y decorata con as barras d'Aragón y a suya finestra de 1629.