A ilesia de Santa Chema de Zaragoza ye una ilesia que se troba en Zaragoza (Comarca Central, Aragón). Ye situada en o barrio de Casablanca y adedicada a santa Chema.
Historia
Encara que presencia d'a comunidat de relichiosos Pasionistas en o barrio de Casablanca de Zaragoza ya data de chinero de 1926, a construcción d'a ilesia parroquial de Santa Chema prencipiará en aviento de 1975, dirichida por l'arquitecto zaragozano José Yarza García. A bendición d'o templo se fació un anyo dimpués, o 8 d'aviento de 1976.
Descripción
Ye un templo d'estilo moderno, con un amplo presbiterio y unas grans claraboyas, que proporcionan gran cantidat de luz natural a la ilesia. O exterior, como atras obras d'iste arquitecto, pareixe una gran cabanyeta, lo que da ideya d'estar un puesto d'acullida y trobada.
Se veiga tamién
Vinclos externos
