- Iste articlo ye sobre a ilesia de Sant Nicolau de Bari d'o Frago, en Cinco Villas; ta atros usos, se veiga Ilesia de Sant Nicolau.
A ilesia de Sant Nicolau de Bari d'o Frago ye una ilesia adedicata a Sant Nicolau de Bari que se troba situata en O Frago, en a comarca aragonesa de Cinco Villas y provincia de Zaragoza, que pende eclesiasticament d'a Diocesi de Chaca. Ye protechita legalment con a suya declaración como Bien d'Intrés Cultural[1] Se tracta d'a ilesia parroquial d'o lugar.[2]
O edificio orichinal se debantó mientres o sieglo XII en estilo romanico, tenendo una sola nau rectangular con vuelta de canyón con un abside semicercular, amás d'arcos faixons que descarregan dencima de columnas que tienen os s decoratos con motivos vechetals, encara que en o sieglo XVI se i adhibioron una torre con planta cuadrata con cuatre pinaclos, una sagristía y dos capiellas laterals.
A zaguera restauración d'a ilesia estió l'anyo 2010.[3]
Caracteristicas arquitectonicas
A ilesia tien dentradas en as suyas fronteras meridional y occidental, totas dos en estilo romanico, con timpanos y arcos de meyo punto, atribuitas a o mayestro de Sant Chuan d'a Penya (u mayestro d'Agüero), qui treballó en cuantas ilesias de Cinco Villas. En as arquivoltas d'a suya frontera prencipal se i puet trobar a representación d'un calandario de tipo agricola, a on que cada mes de l'anyo se representa con una labor agricola concreta.
Ye prou conoixito uno d'os suyos s, a on se representa una bailarina, elemento decorativo común con cuantas atras ilesias d'a comarca a on treballó o mayestro d'Agüero.
En o suyo interior un retablo preside l'abside, situato dencima d'una cripta, estando asinas o presbiterio devantau, y bi ha tamién un coro d'o sieglo XIV.
Mencions en fuents aragonesas
A ilesia de Sant Nicolau de Bari d'o Frago ye mencionata en textos aragoneses d'o "Fondo Sastago":[4]
de la Eglesia de Sant Nicholau del dito lugar del Frago ensemble con todos los hombres assi xristianos como jodios habitadores del dito lugar
Vinclos externos
Referencias
