A ilesia de Nuestra Sinyora de l'Asumpción de Pandicosa (Alto Galligo, Aragón) ye un edificio devantau en o sieglo XVII dencima d'una antiga construcción romanica, d'a nomás s'alza l'hastial occidental.
A suya fabrica ye de mampostería reforzata en os contrafuertes y ánglos con piedras picatas, creyando un rotundo y compacto volumen.
O templo presenta planta de salón, ye decir, tres naus d'igual altaria, en iste caso deseparatas por delgadas columnas. A nau central ye mas ampla y se troba cubierta por vueltas de crucería estrelata con terceletz, mientres que as laterals presentan vueltas de crucería simpla. O espacio interior, rematato en cabecera poligonal, ye muit amplo y diafano.
A dentrata se fa por o muro meridional, a traviés de una simpla portalada ubierta en arco de meyo punto y protechita por un telladet volato.
En o extremo nortoccidental se debanta una torre de planta quadrata y dos cuerpos en altaria, deseparatos por una imposta, cubierta por un chapistel piramidal de pizarra d'estilo afrancesato.
Referencias
- Iste texto prene como referencia a declaración de Bien d'Intrés Cultural publicata en o BOA nº 35 de calendata 22 de marzo de 2002 [1] y s'achusta a l'articlo 13 LPI.
