A ilesia de Nuestra Sinyora de Loreto de Zaragoza ye una ilesia que se troba en Zaragoza (Comarca Central, Aragón), en o barrio d'a Venda de l'Olivar.
Historia
A zona d'a Venda de l'Olivar perteneixeba dende 1854 a la parroquia de Sant Pavlo. A parroquia de Nuestra Sinyora de Loreto se creyó posteriorment, l'1 de marzo de 1965, con una población de 1.000 habitants por ixas envueltas.
A ilesia prencipió a construyir-se o 18 de setiembre de 1955, estando encargau de meter a primera piedra l'administrador apostolico de Zaragoza y bispe d'Andeda, mosén Lorenzo Bereciartua. Os terrenos a on se construyió o templo fuoron cedius por o marqués d'Embit y a construcción d'o mesmo se fació con a colaboración d'os vecins d'o barrio trayioron materials y aduyoron en a obra.
Se trigó l'advocación de Nuestra Sinyora de Loreto por estar amanau l'aeropuerto y base aeria de Zaragoza y estar ista patrona de l'aviación.
Vinclos externos
