Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Heinrich Daniel Ruhmkorff
A tumba de Heinrich Daniel Ruhmkorff.
Información personal
Calendata de naixencia	15 de chinero de 1803
Puesto de naixencia	Hannover (Electorato de Hannover, hue Baixa Saxonia)
Calendata de muerte	20 d'aviento de 1877
Puesto de muerte	París (Francia)
Ocupación	Incheniero y fisico

Heinrich Daniel Ruhmkorff (u Rühmkorff), naixito de Hannover, en l'electorato de Hannover (hue Baixa Saxonia) o 15 de chinero de 1803 y muerto en París (Francia) o 20 d'aviento de 1877, estió un incheniero y fisico alemán.

Heinrich Daniel Ruhmkorff estió l'inventor d'a bobina de Ruhmkorff (u bobina de Rühmkorff), una bobina d'inducción que produce una chispa de dica 30 cm de longaria. Encara que ista bobina inicialment yera prensata ta o suyo uso en a Medicina, fue emplegata como chenerador de corriente d'alta tensión por fisicos como Gustav Kirchhoff u Heinrich Rudolf Hertz ta as suyas experencias en as ondas hertzianas, y tamién por Édouard Branly ta descubrir os radioconductors emplegatos dimpués por Oliver Lodge ta bels aparatos que fació servir Guglielmo Marconi ta os suyos experimentos con a radioelectricidat.

Encara que naixito d'Alemanya, a on aprendió mecanica, treballó en o Reino Uniu con Joseph Bramah, l'inventor d'a prensa hidraulica, antis d'instalar-se en París ta treballar en o campo d'a optica.

En 1855 engueró a suya tienda en París ta la venta d'aparatos electricos d'alta calidat. En a suya empresa milloró as bobinas, en colaboración con Antoine Masson u Hippolyte Fizeau.

• Bobina de Ruhmkorff (u bobina de Rühmkorff).

• Se veigan as imáchens de Commons sobre Heinrich Daniel Ruhmkorff.
• Biografías: 1 2 3 4 .5
• A bobina de Ruhmkorff : 1 2.
• (en) The Cathode Ray Tube site.