- Iste articlo ye sobre un atleta britanico; ta atros usos, se veiga Harry Green.
Henry Harold Green, conoixito esportivament como Harry Green y naixito o 15 de chulio de 1886 y muerto o 12 de marzo de 1934, fue un atleta britanico especializau en prebas larga distancia que tenió o récord d'o mundo en a preba d'a maratón, conseguito en Londres o 12 de mayo de 1913 con un tiempo de 2:38:16.2. Tenió o récord mientres 19 diyas dica que o sueco Alexis Ahlgren consiguió baixar a suya marca.[1]
Compitiendo por o Herne Hill Harriers un club amateur de Londres, que encara hue existe, ganó un maratón en Sutton en o Boxing Day de 1908. Un anyo dimpués en a primera edición d'a Polytechnic Marathon quedó en tercer lugar en tercer lugar dezaga de Henry Barrett y Fred Lord, dos d'os millors maratonians d'a epoca. En 1910 o Polytechnic Marathon estió cancelau por a muerte d'o rei Eduardo VII, y en 1911 en a mesma maratón, que principió en o Castiello de Windsor y terminó en Stamford Bridge, fue gran parte d'a cursa en capeza ganando con mas de cuatre minutos de ventacha a Michael Ryan que terminó segón.
En a suya vita difuera de l'esporte cal destacar que fue treballador en Harrods, y cuan principió a I Guerra Mundial fue voluntario en l'exercito britanico ta luitar a on fue condecorau con a Distinguished Conduct Medal y con a Médaille militaire francesa por a suya destacada partecipación en a Batalla de Gallipoli. Albandonó o exercito con o grado de capitán y tamién as competicions esportivas, dende entonces tenió un quiosco en West Norwood.
Morió en l'anyo 1934 por pneumonía.
Referencias
.svg){kind=small}
