Georges Dumézil (1898 - 1986) estió un antropologo francés amant d'a Filolochía que destacó por o suyo estudio d'a sociedat d'os pueblos indoeuropeus, y desembolicó a teoría d'a trifuncionalidat en o politeísmo indoeuropeu.
Vida
O suyo pai lo introdució en o estudio d'as luengas clasicas dende bien chicot y plegó a dominar mes de 30 luengas, feito que lo aduyó a fer estudios comparativistas, pus podeba leyer os textos orichinals de cada civilización. Participó en a Primera Guerra Mundial y dimpués se dedicó a la investigación y docencia en a Universidat. Fue esleito miembro de l'Academia Francesa en 1978 y muitas catedras indoeuropeas fuoron creyadas en a suya honor. Como muitos intelectuals amants d'os temas indoeuropeus lo acusoron tanto de franc-masón como de filonazi, y lo alpartoron temporalment d'o suyo treballo.
